Friday, May 31, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

បញ្ជូនខ្លួនជនសង្ស័យ៣នាក់ ទៅតុលាការ ចាត់ការ ពាក់ព័ន្ធនឹងការជួញដូរ និងប្រើប្រាស់ដោយខុសច្បាប់សារធាតុញៀន

spot_img

ខេត្តព្រះសីហនុ៖ កម្លាំងសមត្ថកិច្ចកងរាជអាវុធហត្ថខេត្តព្រះសីហនុ កាលពីថ្ងៃទី ២៤ ខែ មករា ឆ្នាំ ២០២៣ បាន បញ្ជូនខ្លួន ជនសង្ស័យ ចំនួន៣នាក់ ទៅកាន់ស្ថាប័នអយ្យការអមសាលាដំបូងខេត្តព្រះសីហនុ ដើម្បីសាកសួរ និង សម្រេចតាម ផ្លូវច្បាប់ ជាប់ពាក់ព័ន្ធករណី ជួញដូរ និង ប្រើប្រាស់ដោយខុសច្បាប់ នូវសារធាតុញៀន ប្រព្រឹត្តនៅភូមិ៣ សង្កាត់លេខ២ ក្រុងព្រះសីហនុ ខេត្តព្រះសីហនុ។

យោងតាមរបាយការណ៍របស់សមត្ថកិច្ចកងរាជអាវុធហត្ថខេត្តព្រះសីហនុបានឲ្យដឹងថា ជនសង្ស័យ៣នាក់មាន៖ ១- ឈ្មោះលី សំណាង ភេទប្រុស អាយុ ២៥ឆ្នាំ មុខរបរ បើកបរ ។ ២- ឈ្មោះ ប្រាក់ រដ្ឋា ភេទប្រុស អាយុ ២៩ឆ្នាំ មុខរបរ បុគ្គលិកអនឡាញកាស៊ីណូឌីហាវ ។ ៣/ ឈ្មោះ លឹម ពិសិដ្ឋ ភេទប្រុស អាយុ ២៣ឆ្នាំ មុខរបរ កម្មករសំណង់ ។ អ្នកទាំងបីនាក់ មានទីលំនៅ នៅបន្ទប់ជួល ក្រុមទី១២ ភូមិ៣ សង្កាត់លេខ២ ក្រុងព្រះសីហនុ ខេត្តព្រះសីហនុ។

ក្រោយឃាត់ខ្លួន, សមត្ថកិច្ចកងរាជអាវុធហត្ថដកហូតវត្ថុតាងរួមមាន៖ – គ្រឿងញៀនប្រភេទម៉ាទឹកកក ចំនួន ០៥កញ្ចប់ ទម្ងន់ ១៣.៥២ ក្រាម – ជញ្ជីងថ្លឹងថ្នាំញៀន ០១ – ខ្សៀជក់ ០៣ – ដបជក់ ០២ – ទូរស័ព្ទ ០៣គ្រឿង – ម៉ូតូ ០១គ្រឿង – លុយខ្មែរ ១០០,០០០រៀល។

ពួកគេ ត្រូវបានសមត្ថកិច្ចកងរាជអាវុធហត្ថចាប់ខ្លួន កាលពីថ្ងៃទី ២៣ ខែ មករា ឆ្នាំ ២០២៣ នៅភូមិ៣ សង្កាត់លេខ២ ក្រុងព្រះសីហនុ ខេត្តព្រះសីហនុ។
បច្ចុប្បន្ននេះ ជនសង្ស័យ៣នាក់ខាងលើនេះ កំពុងត្រូវបាន សាកសួរចម្លើយ នៅអយ្យការអមសាលាដំបូងខេត្តព្រះសីហនុ នៅឡើយ៕ រក្សាសិទ្ធិដោយ ៖ ចន្ទា ភា

spot_img
×