Thursday, February 9, 2023

លោកស្រី ជួន សំនៀង ចាក់ដីរំលោភយកបឹងងធម្មជាតិ នៅក្រុងសែនមនោរម្យ ខេត្តមណ្ឌលគិរី

spot_img

ភ្នំពេញៈ បឹងធម្មជាតិមួយកន្លែងស្ថិតក្នុងភូមិអូរស្ពាន សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី ត្រូវបានលោកស្រី ជួន សំនៀង កូនលោក ជួន សំបុក សមាជិកក្រុមប្រឹក្សាស្រុកឱរាំង ខេត្តមណ្ឌលគិរី ចាក់លុប។ នេះបើតាមការបញ្ជាក់របស់ប្រជាលរដ្ឋ។

ប្រជាពលរដ្ឋបានអះអាងថា បឹងធម្មជាតិខាងលើនេះ គឺជាទីទំនាបដែលទទួលទឹកពីប្រភពអូរជាច្រើន។ បឹងនេះមានទឹកមិនដែលរីងទេ ហើយល្ហាចល្ហឹមក្លាយជាបឹងនារដូវវស្សា។ ហើយជាប្រភពទឹកដ៏សំខាន់ក្នុងការលំហែរកម្សាន្ត ធ្វើឲ្យទីនោះត្រជាក់ និងសម្រាប់បម្រើដល់ការស្រោចស្រពផងដែរ។ ប៉ុន្តែស្រាប់តែពេលបច្ចុប្បន្ននេះ បឹងធម្មជាតិមួយនេះ កំពុងប្រឈមលុបពីអ្នកមានឥទ្ធិពលដើម្បីយកធ្វើជាកម្មសិទ្ធិ។

ជាមួយគ្នានេះ ប្រជាពលរដ្ឋបានសំណូមពរដល់អាជ្ញាធរជំនាញពាក់ ព័ន្ធ គឺចុះពិនិត្យមើលទីតាំងបឹងធម្មជាតិដែលរង ការចាក់លុបដើម្បីធ្វើជាកម្មសិទ្ធិរបស់លោកស្រី ជួន សំនៀង។

មន្ត្រីខេត្តមណ្ឌលគីរីបានបង្ហើបឲ្យដឹងថា អ្នកដែលមានឥទ្ធិពល ដែលចាក់ដីលុបបឹងធម្មជាតិនេះ គឺលោកស្រី ជួន សំនៀង ត្រូវជាកូនលោកជួន សំបុក សមាជិកក្រុមប្រឹក្សាស្រុកឱរាំង ខេត្តមណ្ឌលគិរី ។ ហើយអាជ្ញាធរខេត្តហាក់ដូចជាមិនទាន់មានចំណាត់ការនៅឡើយទេ។

ទាក់ទងករណីនេះ លោកស្រី ជួន សំនៀង បានបដិសេធថា មិនបានចាក់ដីលុបបឹងធម្មជាតិនោះទេ។ ប៉ុន្តែគ្រាន់តែចាក់ដីធ្វើផ្លូវទៅកាន់កញ្ចុះដើម្បីអង្គុយលេងទេ ព្រោះខែវស្សាទឹកលិចពិបាកដើរ។

ចំណែកអភិបាលខេត្តមណ្ឌលគិរី មិនអាចសុំការអត្ថាធិប្បាយបានទេ ដោយទូរស័ព្ទចូលមិនមានអ្នកទទួល៕ រក្សាសិទ្ធិដោយៈ ចេស្តារ

×

​ថ្ងៃ ម៉ោង នាទី វិនាទី

ព្រឹត្តិការណ៍ស៊ីហ្គេម លើកទី៣២