នេះជារឿងមួយដ៏ភ្ញាក់ផ្អើល កំពុងបង្កការវែកញែកយ៉ាងខ្លាំង នៅលើបណ្តាញសង្គមថៃ បន្ទាប់ពីនារីជាម្ចាស់ផ្ទះម្នាក់ បានសម្តែងការហួសចិត្តយ៉ាងខ្លាំង និងមិនសុខចិត្តនោះទេ បន្ទាប់ពីអ្នកជិតខាង បានមកតបំពង់ទឹកឆៅៗ ពីផ្ទះរបស់នាង ដោយពុំបានប្រាប់សូម្បីមួយម៉ាត់ ខណៈនាងត្រូវចំណាយថ្លៃតភ្ជាប់ប្រពន្ធទឹកអស់រហូត ៤ម៉ឺនបាត ឯណោះ។
កាលពីថ្ងៃទី២៤ ខែមករា ឆ្នាំ២០២៣ ម្ចាស់ផ្ទះខាងលើ បានបង្ហោះរឿងរ៉ាវនេះ តាមរយៈគណនី TikTok ដោយបង្ហាញពីស្ថានភាពផ្ទះរបស់នាង និងផ្ទះអ្នកជិតខាង ដែលមានបំពង់ផ្គត់ផ្គង់ទឹកកាត់ទទឹងផ្លូវ មកផ្ទះរបស់នាង ហើយតំឡើងគីឡូទឹក។
ក្នុងឃ្លីបនោះ នាងបាននិយាយថា ផ្ទះរបស់នាងមានបំពង់ទឹក តភ្ជាប់ពីមេធំប្រហែល ២០០-៣០០ ម៉ែត្រ ចំណាយលុយអស់ប្រហែល ៤ ម៉ឺនបាត។ ប៉ុន្តែ ផ្ទះអ្នកជិតខាងថ្មីមួយដែលទើបយត្រូវបានសង់រួចនៅត្រើយម្ខាង (ពីមុនជាដីទំនេរ) ស្រាប់តែមកតភ្ជាប់ពីបំពង់ទឹកផ្ទះរបស់នាង ដែលនាងខំចំណាយលុយ ទៅកាន់ផ្ទះរបស់គាត់ដ៏ហួសចិត្តខ្លាំងបំផុត។
លើសពីនេះទៀត គីឡូទឹក ក៏ត្រូវបានតំឡើង ដោយមិនបានប្រាប់នាង ឬមនុស្សនៅក្នុងផ្ទះ សូម្បីមួយម៉ាត់។ នាងបានបញ្ជាក់ថា វាមិនមែនជាកម្មសិទ្ធិរបស់ព្រះមហាក្សត្រទេ ប៉ុន្តែវាជារបស់កម្មសិទ្ធិនៅមុខផ្ទះរបស់នាង តើនាងអាចធ្វើអ្វីបាន ចំពោះរឿងនេះ។
ក្រោយពីបានឃើញបែបនេះ អ្នកនិយមលេងអ៊ីនធឺណិតបានចូលមកបញ្ចេញមតិ ដោយមើលឃើញថា ករណីនេះស្រដៀងគ្នានឹងភ្លើងដែលយើងបានបង់ថ្លៃបង្គោលភ្លើង ក្រោយពីដំឡើងរួច វាបានក្លាយជាកម្មសិទ្ធរបស់អាជ្ញាធរអគ្គិសនី។ តែគេជឿថា អ្នកជិតខាងប្រហែលមិនដឹង ថាជារបស់រាជវង្ស ព្រោះបំពង់ទឹកនៅក្រៅផ្ទះ។ ទោះយ៉ាងណា សូមស្នើសុំទៅខាងរដ្ឋាករទឹកទៅ នឹងទទួលបានការដោះស្រាយជូនហើយ៕ រក្សាសិទ្ធិដោយ៖ លឹម ហុង