Friday, April 19, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

អ្នកឯកទេស IT ជនជាតិ​រុស្សី បាន​កំពុង​លាក់ខ្លួន​ក្នុង​ព្រៃ​ដ៏​ត្រ​ជាក់ ដើម្បី​ជៀសវាង​ការ​ចុះចូល​កង​ទ័ព ប្រឆាំង​អ៊ុយក្រែន

spot_img

បុរសជនជាតិរុស្សីម្នាក់ ដែលមិនចង់ឆ្លើយការអំពាវនាវរបស់លោក ពូទីន ឲ្យកាន់អាវុធ និងចូលរួមសង្គ្រាមរបស់ប្រទេសខ្លួន ប្រឆាំងនឹងអ៊ុយក្រែន បានកំពុងរស់នៅតែម្នាក់ឯងកណ្តាលព្រៃយ៉ាងជ្រៅ អស់រយៈពេលជិត៤ខែមកហើយ។

បុរសរុស្ស៊ីរូបនេះ ដែលមានឈ្មោះហៅក្រៅ Adam Kalinin បានប្រឆាំងនឹងសង្រ្គាមនៅអ៊ុយក្រែនតាំងពីដំបូង។ គាត់ត្រូវបានចាប់ខ្លួនរយៈពេល ២ សប្តាហ៍ និងពិន័យសម្រាប់ការបង្ហាញផ្ទាំងបដាដែលសរសេរថា “No to war” នៅខាងក្រៅអគារផ្ទះល្វែងរបស់គាត់។ ប៉ុន្តែនៅពេលដែលលោក វ្ល៉ាឌីមៀ ពូទីន បានចុះហត្ថលេខាលើបទបញ្ជាចល័ត ដោយហៅបុរសជនជាតិរុស្សីប្រហែល ៣០០,០០០ នាក់ ដើម្បីធ្វើសង្រ្គាមប្រឆាំងនឹងអ៊ុយក្រែន លោក Kalinin ក៏បានរកវិធីដើម្បីចៀសវាងការបញ្ជូនទៅជួរមុខ។

បញ្ហាហិរញ្ញវត្ថុ មិត្តភ័ក្តិរបស់គាត់ និងគំនិតទូទៅនៃការចាកចេញពីមាតុភូមិ បានរារាំងអ្នកជំនាញផ្នែកព័ត៌មានវិទ្យាវ័យក្មេងរូបនេះ មិនឱ្យរត់ទៅប្រទេសផ្សេង ដូច្នេះគាត់បានធ្វើអ្វីដែលល្អបំផុត គឺថើបប្រពន្ធរបស់គាត់ ហើយលាទៅលាក់ខ្លួននៅកណ្តាលព្រៃត្រជាក់ ដែលគិតមកទល់ពេលនេះ មានរយៈពេល​ជិត៤​ខែហើយ។

បុរសវ័យ ៣០ ឆ្នាំរូបនេះ បានប្រាប់ BBC ថា «ការចាកចេញអាចជាជំហានដ៏លំបាកមួយចេញពីតំបន់សុខស្រួលរបស់ខ្ញុំ ។ វា​មិន​សូវ​ស្រួល​នៅ​ទី​នេះ​ទេ ប៉ុន្តែ​ទោះ​ជា​យ៉ាង​ណា​ក៏​ដោយ ការរស់នៅក្រៅបែបនេះ គឺជាមធ្យោបាយដ៏ល្អបំផុត ដើម្បីជៀសវាងការចល័តរបស់លោកពូទីន។ ប្រសិនបើ​អាជ្ញាធរ​រក​មិន​ឃើញខ្ញុំ ដើម្បី​ប្រគល់ខ្លួន​តាម​ដីកា​នោះ​ទេ ខ្ញុំ​មិន​អាច​ត្រូវ​បាន​គេ​ហៅ​ឱ្យ​ចូល​រួម​សង្គ្រាម​ដោយ​ស្របច្បាប់​ឡើយ។ ដូច្នេះ ខ្ញុំសម្រេចចិត្តបន្តរស់នៅក្នុងតង់ដែលមានសីតុណ្ហភាពទាបរហូតដល់ -១១ អង្សារសេ ហើយរស់រានមានជីវិតពីការផ្គត់ផ្គង់ជាប្រចាំដោយប្រពន្ធរបស់ខ្ញុំ»។

លោក Kalinin បាននិយាយថា «ប្រសិនបើពួកគេមិនអាចចាប់ខ្ញុំ ហើយនាំខ្ញុំទៅការិយាល័យចុះឈ្មោះ នោះគឺជាការការពារ 99% ប្រឆាំងនឹងការចល័ត ឬការយាយីផ្សេងទៀត»។

អ្នកឯកទេសផ្នែកព័ត៌មានវិទ្យារូបនេះ បានអរគុណចំពោះអង់តែនអ៊ីនធើរណែត រយៈចម្ងាយឆ្ងាយចងជាប់នឹងដើមស្រល់ ដែលវាធ្វើឲ្យគាត់អាចបំពេញការងារស្ទើរតែដូចដែលគាត់បានធ្វើមុន ពេលផ្លាស់ចូលទៅក្នុងព្រៃ ទោះបីជាគាត់មិនមានថាមពលពន្លឺព្រះអាទិត្យគ្រប់គ្រាន់ ដើម្បីធ្វើការពេញមួយថ្ងៃក៏ដោយ។

ប្រពន្ធរបស់ Adam Kalinin ជួយគាត់ឱ្យរស់រានមានជីវិត ដោយតែងតែនាំយកអាហារជូនគាត់ទៅកន្លែង ដែលពួកគេអាចជួបមុខគ្នាបានមួយភ្លែត។ ក្នុងនាមជាអ្នកស្រលាញ់ការរស់នៅខាងក្រៅ គាត់មានឧបករណ៍ទាំងអស់ដែលត្រូវការដើម្បីរស់ក្នុងព្រៃ ប៉ុន្តែវានឹងពិបាកសម្រាប់គាត់ ក្នុងការរស់នៅតាមរបៀបដែលគាត់ធ្វើ ដោយគ្មានជំនួយពីប្រពន្ធរបស់គាត់។

បុគ្គលិកផ្នែក IT រូបនេះ បច្ចុប្បន្នត្រូវបានលើកលែងពីការចុះឈ្មោះយោធា ហើយ Adam ខ្លួនគាត់ផ្ទាល់ មិនទាន់បានទទួលបញ្ជាការចល័តរបស់គាត់នៅឡើយទេ ប៉ុន្តែគាត់មិនចង់ប្រថុយវាទេ ជាពិសេសចាប់តាំងពីមានរបាយការណ៍ថា ការលើកលែងនេះត្រូវបានគេមិនអើពើច្រើនដង។

លោក Kalinin ក៏បាន​ត្អូញត្អែរ​ថា​៖ «​យើង​មាន​រដ្ឋ​ផ្តាច់ការ​ដែល​មាន​ឥទ្ធិពល​ខ្លាំង​។ ក្នុងរយៈពេល៦ខែចុងក្រោយនេះ ច្បាប់ត្រូវបានធ្វើឡើងក្នុងល្បឿនមិនគួរឱ្យជឿ។ បើ​មនុស្ស​ម្នាក់​និយាយ​ប្រឆាំង​នឹង​សង្គ្រាម រដ្ឋ​នឹង​ដេញ​តាម​ចាប់ពួកគេ មិនឲ្យរួចខ្លួននោះទេ»៕ រក្សាសិទ្ធិដោយ៖ លឹម ហុង

spot_img
×