ថៃ និងឡាវ ជាប្រទេសជិតខាងដែលមានព្រំប្រទល់ជាប់ខេត្តជាច្រើន ដែលនាំអោយមានវប្បធម៌ របៀបរស់នៅស្រដៀងគ្នា ហើយក៏កម្រមានរឿងឈ្លោះគ្នាណាស់។ តែដោយឡែក ថ្មីៗនេះ វីដេអូ TikTok កំពុងល្បីខ្លាំងមួយ បានធ្វើឲ្យអ្នកលេងអ៊ីនធើរណែត ភ្ញាក់ផ្អើល និងទប់សំណើចមិនជាប់ ខណៈបានឃើញ «ភាគីថៃ» និង «ភាគីឡាវ» បើកឆាកប្រយុទ្ធគ្នាក្នុងសមរភូមិ (៣ទល់១) ឡើងក្តៅដូចភ្លើង ដោយគ្មានអ្នកណាចុះចាញ់នោះឡើយ។
ហេតុការណ៍ដ៏អស់សំណើចនេះ ត្រូវបានដឹងថាបានកើតឡើងនៅស្រុក Na Haeo ខេត្ត Loei -ទីកន្លែងដែលជាព្រំប្រទល់នេះត្រូវបានបិទដោយអូរតូចមួយ ក្នុងអំឡុងអំឡុងថ្ងៃសៅរ៍ ដល់ថ្ងៃអាទិត្យ។
ព្រំប្រទល់តូចនេះ ក៏ត្រូវបានដឹងថា នឹងមានការបើកទ្វារ សម្រាប់ការដោះដូរគ្នាទៅវិញទៅមក ដោយប្រជាជនថៃ ទៅថ្វាយបង្គំព្រះសង្ឃនៅប្រទេសឡាវ។ ចំណែកជនជាតិឡាវវិញ នឹងត្រូវឆ្លងកាត់ទៅទិញទំនិញនៅប្រទេសថៃផងដែរ។
ដោយសារក្នុងរដូវប្រាំងនេះ ទឹកស្រកចុះ នាំឱ្យប្រជាពលរដ្ឋទាំងសងខាងកាន់តែនៅជិតគ្នា។ តែអ្វីដែលមិននឹកស្មានដល់នោះ គឺស្រាប់តែកើតជម្លោះរវាងក្មេងៗពីខាងថៃ និងខាងឡាវ បើកឆាកប្រយុទ្ធគប់គ្នាឡើងញាក់សាច់តែម្តង ដោយ៣នាក់ មកពីខាងថៃ និងខាងឡាវតែម្នាក់ប៉ុណ្ណោះ។
ក្រោយពីបានឃើញបែបនេះ មនុស្សជាច្រើនបញ្ចេញយោបល់ទាំងអស់សំណើចថា «នេះជាសមរភូមិគ្មានអ្នកណាចុះចាញ់ ជាពិសេសខាងឡាវមានតែម្នាក់ សុំសរសើរពេញបេះដូង, ៣ ទល់ ១ អស់ទាស់ហ្មង!»៕ រក្សាសិទ្ធិដោយ៖ លឹម ហុង
@chain019283 #ไทยรบกับลาว #อย่าปิดการมองเห็น #โจอี้ภูวศิษฐ์ #ประยุทธ์จันทร์โอชา ♬ เสียงต้นฉบับ – Tarn Softwhip