បាតុភូតធម្មជាតិដ៏ចម្លែកនេះ បានកើតឡើងនៅភូមិមួយមានឈ្មោះថា Dinoša ស្ថិតនៅភាគអាគ្នេយ៍ប្រទេស Montenegro ដែលជាប្រទេសតូចមួយនៅឆ្នេរសមុទ្រ Adriatic ។ បាតុភូតចម្លែកនេះបានកើតឡើងអស់កាល ២៥ឆ្នាំមកហើយ ។
អ្នកវិទ្យាសាស្ត្របានបកស្រាយបាតុភូតចម្លែកនេះថា ភ្លៀងធ្លាក់ខ្លាំងគឺជាមូលហេតុធ្វើឲ្យប្រព័ន្ធទឹកក្រោមដីលិចលង់ បង្កជាសំពាធច្រាលទឹកមកលើ ហើយដោយចៃដន្យដើមឈើនេះវាមានប្រហោងក្នុង ធ្វើឲ្យទឹកច្រាលចេញតាមនោះតែម្តង ។
ពេលសម្ពាធទឹកក្រោមដីខ្លាំងវាក៏បុកទឹកចេញតាមមាត់អណ្តូងទឹកដែរ អ្នកវិទ្យាសាស្ត្រក៏បានយោងសំអាងលើបាតុភូត ខណៈពេលដែលសម្ពាធទឹកក្រោមដីខ្លាំង វាបានបាញ់បង្ហូរទឹកចេញតាមមាត់អណ្តូង ដូចជានៅភូមិ Tuhala ប្រទេស Estonia អញ្ចឹងដែរ ។
ប៉ុន្តែពលរដ្ឋដែលមិនយល់គេបែរជាចាត់ទុកថាបាតុភូតសាមញ្ញបែបនេះ វាជាអំពើអាបធ្មប់ទៅវិញ ។
ជាអាទិ៍អណ្តូងទឹកនៅ Tuhala បែរជាប្រជាជនតំណាលថា មូលហេតុធ្វើឲ្យទឹកហូរចេញមិនឈប់គឺព្រោះតែពួកអាបធ្មប់ប្រមូលផ្តុំគ្នាងូតចំហាយទឹកនៅក្រោមដី ហើយថែមទាំងវាយប្រហារគ្នា ធ្វើឲ្យទឹកច្រាលឡើងមកលើ ហេតុនេះឯងពួកគេហៅអណ្តូងនោះថា ជាអណ្តូងធ្មប់ ៕ លីសា