រឿងថ្មីមួយទៀតហើយ បានកំពុងផ្ទុះ ខណៈមហាជនជាច្រើននៅលើបណ្តាញសង្គម នាំគ្នារិះគន់យ៉ាងចាស់ៗដៃ ក្រោយពីបានឃើញសកម្មភាពសម្តែងដ៏មិនសមរម្យរបស់តារាកំប្លែង នាយ គ្រឿន ដែលបានយូរ.កឆ្មាឡើងហើបផុតពីដី ដែលត្រូវបានគេចាត់ទុកថា ជាទង្វើប្រមាថ និងធ្វើបាបដល់ជីវិតសត្វតែម្តង។
ពិតណាស់ តាមរយៈការសម្តែងកំប្លែង ដែលត្រូវបានចាក់ផ្សាយដោយស្ថានីយ៍ទូរទស្សន៍មួយ នាយ គ្រឿន សម្តែងក្នុងឈុតមួយ ដោយយូរឆ្មា១ក្បាល ដែលមានខ្សែចងជាប់ប្រឡៅ.ក ដែលធ្វើឲ្យមហាជនអ្នកទស្សនា ជាពិសេសអ្នកស្រលាញ់សត្វឃើញហើយ ពិតជាមានក្តីអាណិតអាសូរដល់សត្វឆ្មានោះយ៉ាងខ្លាំង។
ក្នុងនោះ អ្នកលេងបណ្តាញសង្គមជាច្រើន បានធ្វើការរិះគន់ និងបង្ហាញក្តីអាណិតដល់សត្វឆ្មានោះថា៖ «លើសហើយ សម្ដែងយូៗទៅឡប់សតិអស់, ម្នាក់នេះ គាត់ខ្វះវិចារណញ្ញាណ ជាពុទ្ឋសានិកជន ពិសេសចំនេះដឹង ផ្នែកសីលធម៍។ ចេះតែនំាគ្នាគំាទ្រមនុស្សប្រភេទអត់ចិត្តបុណ្យទៅរួច, កូនម្ដាយមុខកម្សត់ណាស់ ឈឺខ្លាំង ថប់ដង្ហើមខ្លាំងហើយ, ហ៊ឹមកូន អេនមីនបានមើលវីដេអូពេញនៅ ពេលលើកកូនឡើងគ្នាឡើងប្រកាច់ មើលមុខកំសត់ណាស់,…»។
ទោះជាយ៉ាងណា ក្រោយរងការរិះគន់ នាយ គ្រឿន បានបង្ហោះសារសុំទោស នៅលើគណនីហ្វេសប៊ុករបស់ខ្លួនថា៖ «សូមទោសបងប្អូន ខ្ញុំដឹងខុសហើយ នៅការសម្ដែងលេងយួរឆ្មាភ្លេចខ្លួន នឹកឃើញថា ក្រឡៅ.កឆ្មាធំដែរ យួរមួយភ្លែតវាមិនអី សត្វឆ្មាខ្ញុំមិនស្រលាញ់ក៏ខ្ញុំមិនស្អប់ដែរ បើម្ចាស់ឆ្មាមិនសប្បាយចិត្តប្ដឹង ឬអោយខ្ញុំសូមទោសឆ្មាក៏ខ្ញុំព្រម តែខ្ញុំអន់ចិត្តមានបងប្អូន ប្រមា.ថជីវិតខ្ញុំ តែមិនអីទេ ខ្ញុំធ្វើបុណ្យបានខ្លះដែរ បើមានជាតិក្រោយ សូមកើតជាសត្វទៅនៅភពផ្សេង»៕ រក្សាសិទ្ធិដោយ៖ លឹម ហុង
