Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

មិនមែន​សុ​ខៗ​ធ្វើ​ទេ! ប្រពន្ធដើម​ចេញមុខ​បកស្រា​យ ទម្លាយ​មូលហេតុ​ដ៏​ឈឺចា​ប់ ដែល​ឈាន​បង្ករឿង​ផ្ទុះឡើង មិនមែន១លើក​ទេ គឺ…

spot_img

ថ្មីៗនេះ រឿងរ៉ាវប្រពន្ធដើម​ តាមទាន់ប្តីកំពុងដេកជាមួយស្រីកំណាន់ នៅក្នុងផ្ទះសំណាក់ បានផ្ទុះកក្រើកពេញបណ្តាញសង្គម ក្រោយវីដេអូបានបង្ហាញសកម្មភាពប្រពន្ធដើម និងបងប្អូន លើកគ្នាទៅ «ទម្លុះ» ទ្វាផ្ទះសំណាក់ និងព្រួតធ្វើបាប និងថែមទាំងចាប់ទាញទាំងស្ថានភាពខ្លួនប្រាណននលគក។

ទោះយ៉ាងណា ក្រោយពីបានឃើញសកម្មភាពដ៏ហាក់ជ្រុលហួសនេះ អ្នកលេង​បណ្ដាញ​សង្គម​ជាច្រើន បានធ្វើការ​វែកញែក​យ៉ាង​ចម្រូងចម្រាស ដោយក្នុងនោះ ​អ្នកខ្លះបង្ហាញ​ក្ដី​អាណិត​ចំពោះភាគខាង​ស្រីស្នេហ៍ ដែល​ត្រូវ​ប្រពន្ធដើម​ព្រួតគ្នាធ្វើបាបទាំងអាក្រាត ខណៈ​ខ្លះទៀត​បានគាំទ្រស្រ្តីជាប្រពន្ធដើម និង​ជេរប្រទេច​ចំពោះ​ភាគី​ខាង​ស្រី ដែល​ប្ដី​របស់គេ​យ៉ាងចាស់ៗដៃ។​

តែទន្ទឹមនឹងមានមតិមួយចំនួន បានធ្វើការវាយប្រហារទៅលើទង្វើរបស់ស្រ្តីជាប្រពន្ធដើម និងទាមទារឲ្យសមត្ថកិច្ចចាត់វិធានការតាមផ្លូវច្បាប់ ក៏ឃើញលោកជំទាវ ញ៉ែម មរកត អនុរដ្ឋលេខាធិការ ក្រសួងកិច្ចការនារី បាន​បង្ហោះសារនៅថ្ងៃទី១២ ខែ​កុម្ភៈ ដោយក្នុងនោះ លោកជំទាវបានបញ្ជាក់ថា «ទង្វើនេះប្រពន្ធដើមនិងបក្សពួកបានក្លាយជាជនជាប់ទោស តាមក្រមព្រហ្មទណ្ឌ ហើយរងការស្តីបន្ទោស និងរងភាពអាម៉ាសជាងនារីរងគ្រោះទៅទៀត!! សុភាពស្រ្តីកុំយកតម្រាប់តាមពួកគាត់ ឃើញទេ ដំបូងវ៉ៃគេហើយបង្ហោះ ឥឡូវលប់អស់រលីង ចាំបាច់លុបធ្វើអ្វីបើតាំងខ្លួនជាក្រុមនារីក្លាហានប្រឡូកក្នុងពិភពគុន? ?»។

ជៀសវាងការទៅប្រព្រឹត្តអំពើហិង្សា នាំឲ្យមានទុក្ខដល់ខ្លួនវិញ លោកជំទាវ ញ៉ែម មរកត ក៏បានលើកជាឧទាហរណ៍ថា៖ «1- បើខ្ញុំមានប្តី ត្រូវដឹងសិនថាប្តីខ្ញុំអាចនឹងទៅយកក្មួយឬអត់ ( មិនសំខាន់ក្មួយយកគាត់ទេ) 2- បើគាត់យកក្មួយជាកំណាន់ខ្ញុំនឹងនិយាយជាមួយគាត់ថារើសយក១ណា? 3- បើគាត់ថាស្រឡាញ់ក្មួយអត់មិនបាន ក៍យកទៅ តែត្រូវលែងលះគ្នាជាមួយមីងតាមផ្លូវច្បាប់ ព្រោះមនោសញ្ចេតនាមិនអាចបង្ខំបានទេ ជួនកាលរស់នៅជាមួយយើងតែកាយ តែចិត្តវាអត់នៅ យល់ ? 3- បើគាត់នៅតែមិនលែងហើយរញ៉េរញ៉ៃប្រើហឹង្សា បណ្តោយឲ្យស្រីកំណាន់មកអុកឡុកបង្ករ បញ្ហា បង្កររឿងឲ្យប្រពន្ធកូនលំបាកទៀត ខ្ញុំនឹងយោងច្បាប់ឯកពន្ឋភាពដាក់បណ្តឹងទៅតុលាការ។ (មើលច្បាប់ឯកពន្ឋភាព) 4- ខ្ញុំមិនចេះជេបញ្ចោ ប្រើហឹង្សាទៅលើក្មួយទេ នាំប៉ះពាល់កិត្តិយសសេចក្តីថ្លៃថ្នូរខ្លួនឯង និងក្រុមគ្រួសារ ព្រមទាំងផ្អើលគេឯងក្នុងសង្គម ហេងស៊យគេជេថាមីងជាប្រពន្ធដើមចោលម្សៀតទៀត ពិសេសជាប់ទោសព្រហ្មទណ្ឌខានមើលកូនចៅ (សូមមើលមាត្រាចែងខាងក្រោមចំពោះការប្រើហឹង្សា)»។

លោកជំទាវក៏បានបញ្ជាក់ថា «ខ្ញុំស្អប់ណាស់ប្រុសប្រភេទនេះ បើគេខុសហើយយើងជាប្រពន្ធទៅខុសអីជាមួយពួកគេដែរ។ ខាងលើជាឧទាហរណ៍ទេ ក្មួយត្រូវប្រុងប្រយ័ត្នបុរសខ្លះមានប្រពន្ធកូនហើយក៍ដើរភូតកុហកថា នៅលីវ ពោះម៉ាយ រស់នៅមិនចុះសម្រុងគ្នា។ល។ បើក្មួយចង់ក្លាយដូចស្ត្រីប្រពន្ធចុង ឬស្រីកំណាន់ ខ្ញុំនឹងប្រើច្បាប់ខាងក្រោមចាត់ការប្តីខ្ញុំវិញ ប្រសើជាងនាំគ្នាប្រើហឹង្សាដ៍គួរឲ្យភ្ញាក់ផ្អើល»។

ដោយឡែក ងាកមកស្តាប់រឿងដែលបានផ្ទុះឡើងនេះវិញ គឺក្រោយនារីជាស្រីស្នេហ៍ បានធ្វើការអះអាងថា នាង​បាន​ស្គាល់​ប្ដី​គេ​នោះ​តាមរយៈ​ហ្វេ​ស​ប៊ុ​ក ដោយមិនបាន​ដឹងថា ជា​ប្ដី​របស់គេ​នោះទេ ដោយសារតែ​បុរស​នោះ ប្រាប់​នាង​ថា បាន​លែងលះ​គ្នា​ដាច់​ស្រេច​ទៅហើយ​, នៅពេលនេះ ស្រ្តីជាប្រពន្ធដើម បានចេញមុខបកស្រាយ និងឆ្លើយតបទៅវិញថា តាមពិតទៅ រូបនាងជាប្រពន្ធដើមធ្លាប់បានឆាតទៅប្រាប់ចំនួន២លើករួចហើយ​ៗ នារីជាស្រីស្នេហ៍នោះក៏បានសន្យាឈប់ទាក់ទងប្តីរបស់នាងដែរ ប៉ុន្តែ ដោយសារមិនឈប់ ហើយនៅតែបន្តទាក់ទងដដែល ទើបលើកទី៣នេះ នាង និងបងប្អូន តាមទាន់ ហើយទប់អារម្មណ៍ឈឺចាប់ពុំបាន ក៏សម្រេចធ្វើរឿងនេះតែម្តងទៅ។

ទោះជាយ៉ាងណា ស្រ្តីជាប្រពន្ធដើម ក៏សូមចិត្តមហាជនបញ្ឈប់បន្តធ្វើការវាយប្រហារមកលើរូបនាងទៀតទៅ និងគួរតែលើកទឹកចិត្តដល់រូបនាង ឲ្យរឹងមាំឡើងដើម្បីចិញ្ចឹមកូនប្រុស២នាក់ ដោយគ្មានប្តីផិតក្បត់រូបនេះ ខណៈនារីជាស្រ្តីស្នេហ៍វិញ ដែលបានដឹងពីកំហុសដ៏ធ្ងន់ធ្ងររបស់ខ្លួន ក៏សូមអង្វរបងប្អូនមហាជនបញ្ឈប់ការវែកញែករឿងនេះទៀត ហើយនាងក៏សុំទោសប្រពន្ធដើមផងដែរ៕ រក្សាសិទ្ធិដោយ៖ លឹម ហុង

spot_img
×