ថ្មីៗនេះ រូប១សន្លឹក របស់តារាចម្រៀងស្រីចាស់វស្សាលំដាប់ជួរមុខ អ្នកនាង មាស សុខសោភា ដែលបង្ហាញការស្លៀកពាក់ដ៏សិចស៊ី ឃើញថា បានទទួលការចាប់អារម្មណ៍យ៉ាងខ្លាំង ពីសំណាក់អ្នកលេងបណ្តាញសង្គមហ្វេសប៊ុក។
ទោះជាយ៉ាងណា ដោយសារតែឃើញស្លៀកដ៏សិចស៊ី បញ្ចេញ «ល្វែងលើ» ជាមួយស្តាយទម្លាក់ខ្សែដៃអាវទ្រនាប់ដ៏មិនសមរម្យ ជាហេតុធ្វើឲ្យមហាជនមួយចំនួន ចូលទៅខមិនធ្វើការរិះគន់ចំៗថា «លើសហើយ, ចុម ពាក់អាវទ្រនាប់ឡើងច្រៀង, យូរៗទៅពាក់អាវទ្រនាប់ដើរហើយ, អស់តំលៃជាស្ត្រីខ្មែរ, ចំប៉ីក្រហមសម័យឥឡូវ ស្លៀកម៉េចក៏នៅតែស្អាតដែរ មិនខ្វល់តម្លៃស្ត្រីខ្មែរទេ…»។
ទន្ទឹមនឹងនេះផងដែរ តារាចម្រៀង លោក ម៉ៃ សុគន្ធ ដែលជាប់ឈ្មោះជាតារាពូកែទើសគ្រប់សកម្មភាពចេញមកមិនសមទំនងមិនថា ក្នុងសិល្បៈ និងរឿងរ៉ាវបុគ្គលផ្សេងៗ ក៏បានបញ្ចេញមតិរិះគន់ ទៅលើការស្លៀកពាក់ដ៏ហាក់មិនសមរម្យរបស់តារាចម្រៀង មាស សុខសោភា ដោយបានដាក់ឡើងម៉ាចាស់ដៃគ្មានទុកមុខឲ្យនោះទេ។
បង្ហោះភ្ជាប់នឹងរូបគូស្នេហ៍១គូ ខណៈខាងស្រីជិះម៉ូតូពាក់អាវទ្រនាប់កំពុងល្បីនៅលើបណ្តាញសង្គម និងរូប មាស សុខសោភា ពាក់សំយ៉េះអាវទ្រនាប់បង្អួតសម្រស់ដើមទ្រូង កាលពីថ្ងៃទី១៩ ខែកុម្ភៈ ឆ្នាំ២០២៣ តារាចម្រៀង ម៉ៃ សុគន្ធ បានលើកឡើងថា «ចាស់អោយដឹងចាស់ ធ្វើដូចខ្លួនទើបពេញក្រមុំបែកសាច់ បែបស្ទាវ ជាអ្នកចម្រៀងចាស់វស្សាមួយរូប មិនខំសាងគំរូល្អៗអោយច្រើនទេ ធ្វើដូចកូនក្មេងស្ទាវទើបចេះច្រៀង ថតលេចលើលេចក្រោម ទាក់ភ្នែក គោឡើងក (គោស្ទាវ) វា មិនអាចទៅរួចទេ ខំសរសើរ ទាំងទឹកដមសំឡេង ទាំងការរាប់អានគ្នា ដល់ឃើញចឹង ចប់ដោយគ្មានវាចាឈប់ទៅ ខំមេស មានប្តីហើយ ខំអីទៀតពាក់អោយ តែប្តីមើលទៅ បានហើយសំឡេងពីរោះពីធម្មជាតិហើយ ទោះ មិនស្លៀកពាក់បែបខ្វះសាច់ក្រណាត់ ក៏ល្បី ជួរមុខដែរ យល់នៅ? មកពីអាយដល ធ្វើបាន ទើបហ្វេនមួយចំនួនធ្វើតាមគ្រប់កាលៈទេសៈ គ្រប់ពេលវេលា ខុសត្រង់តែខោ និងសំពត់តិចទេ»។
គួរបញ្ជាក់ថា នេះមិនមែនជាលើកទី១ទេ ដែលតារាចម្រៀង មាស សុខសោភា ស្លៀកបញ្ចេញភាពស្រើបស្រាលបែបនេះ ព្រោះថា កន្លងមក តារាស្រីរូបនេះ ក៏ធ្លាប់ស្លៀកប៊ីគីនីចងខ្សែដ៏សិចស៊ីងូតទឹកសមុទ្រ ធ្វើឲ្យអ្នកលេងបណ្តាញសង្គម «ក្តៅភ្នែក» មិនស្ទើរនោះទេ៕ រក្សាសិទ្ធិដោយ៖ លឹម ហុង
