ភ្នំពេញ៖ ក្នុងឱកាសបើកពិព័រណ៍ពាណិជ្ជកម្ម “EU Trade Fair 2018” មន្ត្រីជាន់ខ្ពស់ក្រសួងពាណិជ្ជកម្ម បានមានបញ្ជាក់ថា ក្នុងឆ្នាំ២០១៧ ទំហំពាណិជ្ជកម្មរវាងកម្ពុជា និងសហគមអឺរ៉ុបមានជាង៦ពាន់លានដុល្លារ ដោយក្នុងនោះកម្ពុជានាំចេញ៤ពាន់លានដុល្លារ ចំណែកសហគមអឺរ៉ុប នាំចូលមកកម្ពុជាជិត១ពាន់លានដុល្លារប៉ុណ្ណោះ។ សហគមអឺរ៉ុប ជាប្រទេសទី១ដែលទទួលផលិតផលនាំចេញរបស់កម្ពុជា។
លោកលោក តឹករ៉េត កំរង រដ្ឋលេខាធិការ ក្រសួងពាណិជ្ជកម្ម ក្នុងពិធីបើកសម្ពោធពិព័រណ៍ពាណិជ្ជកម្ម “EU Trade Fair 2018” ដែលរៀបចំឡើងចាប់ពីថ្ងៃទី២៩ ខែមិថុនា ដល់ថ្ងៃទី១ ខែកក្កដា ឆ្នាំ២០១៨ នៅសាលសន្និសីទកោះពេជ្រ រាធានីភ្នំពេញ។ លោកស្រី បានថ្លែងថា ពិព័រណ៍នេះ មានគោលបំណងដើម្បី៖ ១) ផ្សព្វផ្សាយអំពីផលិតផល ដែលបាននាំចូលពីប្រទេសនៅក្នុងតំបន់ Europe
២) ស្វែងរកទីផ្សារនាំចូលទំនិញមកកម្ពុជា និងពង្រឹងភាពជាដៃគូរវិនិយោគរវាងកម្ពុជា និងសហគមអឺរ៉ុប ៣) ពង្រឹងកិច្ច សហប្រតិបត្តិការល្អ លើវិស័យសេដ្ឋកិច្ច ពាណិជ្ជកម្ម ការទូតរវាងកម្ពុជា-សហគមអឺរ៉ុប។ល។
នៅក្នុងឱកាសនោះ លោកស្រីរដ្ឋលេខាធិការ បានអញ្ជើញទស្សនាស្ដង់ទំនិញរបស់ក្រុមហ៊ុន ពាណិជ្ជករ និងអាជីវកររបស់សហគមអឺរ៉ុប ដែលមានក្រុមហ៊ុនសរុបចំនួន ៤៩ និងមានស្ដង់ប្រហែល ៥០ស្តង់។ ក្នុងនោះមានផលិតផលជាច្រើនប្រភេទដូចជា៖ រថយន្ត គ្រឿងសង្ហារឹម គ្រឿងអេឡិចត្រនិច កាបូប និងសម្ភារ:មួយចំនួនទៀត។ល។
លោកស្រី បានថ្លែងឲ្យដឹងថា សហគមអឺរ៉ុបជាប្រទេសទី១ ដែលទទួលទិញទំនិញ ពីកម្ពុជាច្រើនជាងគេ ជាពិសេសផ្នែកសម្លៀក បំពាក់, កង់ និងស្បែកជើងជាដើម ដែលនេះជាការពង្រឹងទំនាក់ទំនងរវាកម្ពុជា-អឺរ៉ុប ឲ្យកាន់រឹងមាំបន្ថែមទៀត។
លោកស្រីរដ្ឋលេខាធិការ បានបន្ថែមថា ការតាំងពិព័រណ៍ របស់សមាគអឺរ៉ុបនៅថ្ងៃនេះ ជាឱកាសល្អសម្រាប់វិនិយោគិនកម្ពុជា និងវិនិយោគិនអឺរ៉ុប ក្នុងការពង្រឹងប្រតិបត្តិការ សេដ្ឋកិច្ចជាមួយបណ្ដា ប្រទេសផ្សេងៗលើពិភពលោក។ អ្វីដែលសំខាន់ទៀតនោះ ការ វិនិយោគនេះមិនត្រឹមតែ ផ្ដល់អត្ថប្រយោជន៍ ចំពោះកម្ពុជាប៉ុណ្ណោះទេ តែនឹងផ្ដល់ដល់បណ្ដាល ប្រទេសផ្សេងៗលើពិភពលោកផងដែរ។
លោក Arnaud Darc ប្រធានសភាពាណិជ្ជកម្មអឺរ៉ុប នៅកម្ពុជាថ្លែងថា ពិព័រណ៍អឺរ៉ុប (EuroFair) គឺជាលើកដំបូងគេបង្អស់នៅកម្ពុជា។ ពិព័រណ៍ពាណិជ្ជកម្មលើកទី១នេះ នឹងដាក់តាំងផលិតផលល្បីៗ និងសេវាកម្មល្អៗមកពីអឺរ៉ុប ជូនអ្នកប្រើប្រាស់ និងសហគ្រិនខ្មែរឱ្យបានស្គាល់ ហើយនេះជាការជួយជំរុញការផ្លាស់ប្តូរពាណិជ្ជកម្មរវាងកម្ពុជានិងអឺរ៉ុប៕ ដោយ៖កូឡាប
