Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

Update៖ អ្នកស្លាប់​ក្នុង​គ្រោះ​រញ្ជួយ​ដី​នៅ​តំបន់​ព្រំដែន​អ៊ឺ​រ៉ា​ក់ និង​អ៊ឺ​រ៉ង់​កើន​ឡើងដល់​ជាង ៤០០​នាក់ និង​របួស​ជាង ៧.០០០​នាក់​

spot_img

​រហូតមកដល់​ពេលនេះ អ្នកស្លាប់​នៅក្នុង​ហេតុការណ៍​គ្រោះ​រញ្ជួយ​ដី នៅ​តំបន់​ព្រំដែន​ចន្លោះ ប្រទេស​អ៊ឺ​រ៉ា​ក់ និង​អ៊ឺ​រ៉ង បានកើត​ឡើងដល់​ចំនួន ជាង 400 ​នាក់​ហើយ​។​

​គ្រោះ​រញ្ជួយ​ដី​រង្វាស់ ៧,៣​រិច​ទ័​រ ដែល​កើតឡើង​កាលពី​ថ្ងៃអាទិត្យ បណ្តាល​ឲ្យ​មនុស្ស​ស្លាប់​ច្រើនជាងគេបង្អស់​ក្នុង​ឆ្នាំ ២០១៧​នេះ​។​

​បើតាម​សេចក្តីរាយការណ៍​របស់​ទូរទស្សន៍​រដ្ឋ​របស់​អ៊ឺ​រ៉ង​បាន​ឲ្យ​ដឹងថា មនុស្ស​ចំនួន 7000 ​នាក់​ផងដែរ​រងរបួស​នៅក្នុង​គ្រោះមហន្តរាយ​នោះ​។​

​ចំនួន​នៃ​ការស្លាប់​យ៉ាងច្រើន​ពី​គ្រោះ​រញ្ជួយ​ដី​នេះ បាន​លើស​ចំនួន​អ្នកស្លាប់​ពី​គ្រោះ​រញ្ជួយ​ដី​ក្នុង​ទីក្រុង​មិច​ស៊ិ​ច​កូ​កាលពី​ខែកញ្ញា​កន្លងទៅ ដែល​កាលនោះ​មាន​មនុស្ស​ស្លាប់​តែ ៣៦៩​នាក់​ស្លាប់​ប៉ុណ្ណោះ​។​

​ភ្នាក់ងារ​សារ​ព៌​ត​មាន Mehr បាន​រាយការណ៍​ថា មនុស្ស​ប្រហែល ១០០​នាក់​ត្រូវបាន​គេ​ជឿជាក់ថា​ស្លាប់​នៅក្នុង​ក្រុង​មួយ ស្ថិតក្នុង​ខេត្ត Kermanshah ប្រទេស​អ៊ឺ​រ៉ង​។​

​បើតាម​សេចក្តីរាយការណ៍ អ្នកស្លាប់ នៅ​អ៊ឺ​រ៉ង​មាន​ចំនួន ៣៩៥​នាក់ និងរ​បូស ៦.៦៥០​នាក់ ចំនែក​នៅ​អ៊ឺ​រ៉ា​ក់ មាន​អ្នកស្លាប់ ៧​នាក់ និង​អ្នករបួស​ចំនួន ៥៣៥​នាក់​។​

​អាជ្ញាធរ​នៅក្នុង​ប្រទេស​ទាំងពីរ​កំ​ពុង​ផ្តើម និង​បន្ត​ប្រតិបត្តិការ​ជួយសង្គ្រោះ​។

​ប្រទេស​អ៊ឺ​រ៉ង​ក៍​បានប្រកាស​កាន់ទុក្ខ​រយៈពេល ៣​ថ្ងៃ​ផងដែរ​៕ សុភ័ក្ត្រ​

spot_img
×