វីដេអូដែលកំពុងរីករាលថ្មីមួយ បានធ្វើឲ្យអ្នកលេងបណ្តាញសង្គម TikTok ជាច្រើន ភ្ញាក់ផ្អើល និងសរសើរយ៉ាងខ្លាំង ខណៈបានឃើញស្រីស្អាតម្នាក់ ធ្វើការងារយ៉ាងស្វាហាប់មិនចាញ់មនុស្សប្រុសទេ ដែលផ្ទុយពីស្រីស្អាតដទៃ ថ្នមខ្លួននោះ។
តាមរយៈវីដេអូ ដែលត្រូវបានបង្ហោះដោយគណនី TikTok ឈ្មោះ nuchiiee បានបង្ហាញសកម្មភាពស្រីស្អាតនោះ លីឆ័ត្រ, លីបាវស្ករស និងធ្វើការងារផ្សេងៗទៀតយ៉ាងរលូន មុនពេលបើកតូបលក់បង្អែមរបស់នាង ដែលត្រូវបានដឹងថា នៅក្នុងផ្សារ JJ Night Plaza ក្នុងខេត្ត Kanchanaburi ។
តែអ្វីដែលធ្វើឲ្យគ្រប់គ្នាមិននឹកស្មានដល់នោះ គឺនៅពេលដែលវីដេអូនៃសកម្មភាពរបស់ស្រីស្អាតរូបនេះ ត្រូវបានចែករំលែកទទួលបានការចាប់អារម្មណ៍ រហូតមានអ្នកចូលមើលដល់ទៅ ២.៣ លានដង នៅលើ TikTok ក៏មានអ្នកបញ្ចេញឲ្យដឹងថា តាមពិតទៅ ស្រីស្អាតនៅក្នុងឃ្លីបនោះ គឺជាកញ្ញា Bambam Duangrak ដែលជាបវរកញ្ញាជាប់ចំណាត់ថ្នាក់លេខ២ Miss Grand Chiang Rai 2022។
គួរបញ្ជាក់ថា នេះមិនមែនជាលើកទី១ទេ ដែលវីដេអូឃ្លីបរបស់ BamBam ត្រូវបានគេចែកចាយតៗគ្នា ដែលបង្ហាញពីសកម្មភាពដ៏រឹងមាំរបស់នាង។ ជាក់ស្តែង ឃ្លីបមុននេះ ក៏បានបង្ហាញស្រីស្អាត «ចង្កេះស្តើង» រូបនេះ លីធុងហ្គាសយ៉ាងរំភើយ និងសូម្បីលើករបស់របរធ្ងន់ៗ នៅក្នុងផ្សារទៀតផង៕ រក្សាសិទ្ធិដោយ៖ លឹម ហុង
