កាលពីពេលថ្មីៗនេះ អ្នកនិយមលេងអ៊ីនធឺណេតជនជាតិចិន បានចែករំលែករូបថតនារីវ័យក្មេងស្រក់ទឹកភ្នែកឥតល្ហែ នៅពេលដឹងថា អតីតស្វាមីរបស់នាង រៀបការប្រពន្ធថ្មី ដែលនារីនោះគឺជាមិត្តសម្លាញ់របស់នាង ហើយថែមទាំងមានផ្ទៃពោះ ៣ ខែ ទៀតផង។
លើសពីនេះ អ្វីដែលធ្វើឲ្យនាងតក់ស្លុត និងឈឺចាប់ខ្លាំងបំផុតនោះ គឺដោយសារតែរូបនាង និងអតីតស្វាមី ទើបតែលែងលះគ្នាបាន១ខែប៉ុណ្ណោះ ប៉ុន្តែមិត្តសម្លាញ់របស់នាងមានផ្ទៃពោះ៣ខែទៅហើយ ដែលនេះមានន័យថា អតីតប្តីរបស់នាងបានលួចមានទំនាក់ទំនងជាមួយមិត្តភក្តិរបស់នាង។ ប៉ុន្តែ អ្វីដែលដ៏អាក្រក់ជាងនេះនោះ គឺការក្បត់មិត្តសម្លាញ់តែម្តង។
រូបភាពនារីវ័យក្មេងម្នាក់នេះ ដែលភ្នែករបស់នាងយំឡើងក្រហម ជាមួយក្រដាសជូតទឹកភ្នែកឥតឈប់ឈរ បានធ្វើឱ្យមនុស្សជាច្រើនក្រៀមក្រំតាម និងឈឺចាប់ជំនួសយ៉ាងខ្លាំង ព្រោះថា អតីតស្វាមីលែងលះ ទៅរៀបការជាមួយអ្នកថ្មី មិនមែនជាបញ្ហាធំនោះទេ ប៉ុន្តែ បើគ្មានការក្បត់ពីមុនទេ ក៏គ្មានអ្វីត្រូវស្តីបន្ទោសនោះដែរ។
បន្ទាប់ពីរឿងនេះត្រូវបានគេផ្សព្វផ្សាយ គឺទទួលបានការចាប់អារម្មណ៍យ៉ាងខ្លាំង ពីសំណាក់អ្នកលេងអ៊ីនធឺណិត ហើយក្នុងនោះ បានធ្វើឱ្យមនុស្សជាច្រើនមិនអាណិតដល់រូបនាងជាខ្លាំង ដែលនាងមិនគួរណារៀបការប៉ះចំប្តីបោក និងឈឺចាប់បំផុត គឺត្រូវមិត្តភក្តិក្បត់ចិត្ត។
ទោះជាយ៉ាងណា មនុស្សជាច្រើនបានលើកទឹកចិត្តនាង ឲ្យរឹងមាំឡើង ឈប់យំសម្រក់ទឹកភ្នែកទៀតទៅ ហើយយករឿងនេះចងចាំទុកជាមេរៀន មុននឹងណាត់ជួបមនុស្សប្រុសណាម្នាក់ ត្រូវពិចារណាឲ្យបានច្បាស់ ពីធម្មជាតិរបស់មនុស្ស ដែលនាងធ្លាប់គិតគ្រប់បែបយ៉ាង៕ រក្សាសិទ្ធិដោយ៖ លឹម ហុង
