Wednesday, July 24, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

រន្ធ-ត់​ណាស់! អ្នក​ជិះ​ស្គី​ម្នាក់​លង់​កណ្តាល​សមុទ្រ សំណាង បាន​នារី​ម្នាក់​ពង្រីក​កាមេ​រ៉ា ១០០ ដង ហៅ​ទាហាន​មក​ជួយសង្គ្រោះ

spot_img

នារីម្នាក់ដែលមកលេងឆ្នេរ Dong Tan នៅ Sattahip បានឃើញអ្នកជិះស្គីម្នាក់ អណ្តែតកណ្តាលសមុទ្រដោយមិនពាក់អាវពោងសង្គ្រោះជីវិតនោះទេ ហើយដោយមានការសង្ស័យ នាងបាន​ប្រើ​ទូរស័ព្ទ​ពង្រីក​១០០​ដង ក៏ឃើញយ៉ាងច្បាស់ថា បុរសនោះកំពុងតស៊ូជីវិតនៅក្នុងទឹក ហើយនាងក៏ប្រញាប់​ហៅ​ទាហាន​មក​ជួយ។

នេះបើតាមទាហានជើងទឹកថៃ មានមូលដ្ឋាននៅ Sattahip ខេត្ត Chonburi បានឲ្យដឹងថា កាលពីថ្ងៃទី១៩ ខែមីនា ឆ្នាំ២០២៣ នារីជាអ្នកទេសចរម្នាក់ បានរាយការណ៍ថា មានមនុស្សកំពុងលង់ទឹក បន្ទាប់ពីនាងបានប្រើទូរស័ព្ទពង្រីក ១០០ ដង និងដឹងច្បាស់ថា មិនមែនអ្នកហែលទឹកលេងទេ តែជាមនុស្សកំពុងលង់ទឹក និងថែមទាំងកំពុងព្យាយាមសុំជំនួយសង្គ្រោះផងដែរ។

តាមរយៈគណនី TikTok នាងបានរៀបរាប់ឲ្យដឹងថា ​​នាង និង​មិត្ត​ប្រុស និង​សាច់​ញាតិ បាន​ដើរ​លេង​តាម​ឆ្នេរ ហើយ​ឃើញ​មនុស្ស​ជិះ​ស្គី​លេង​នៅ​កណ្តាល​សមុទ្រ។ មួយសន្ទុះក្រោយមក នាងឃើញម្តងទៀតថា គាត់ធ្លាក់ចូលទៅក្នុងទឹក។ ប៉ុន្តែ​មិន​បាន​ឃើញ​ការ​ធ្លាក់​​ដំបូងទេ ដោយនាង​​គិត​ថា​ អ្នកជិះស្គីនោះកំពុងហែល​លេង​ក្នុង​ទឹកប៉ុណ្ណោះ​។ ព្រោះ​​នៅ​ឆ្ងាយ នាងក៏​បាន​ប្រើ​ទូរសព្ទ​ព្យាយាម​ពង្រីក​១០០​ដង ហើយ​ឃើញ​ថា​ បុរសនោះ​ដូចជា​លើក​ដៃ​សុំ​ជំនួយ មិន​មែន​ហែល​ទឹក​ទេ។ ដូច្នេះ​ ពួកនាងក៏​សម្រេច​ចិត្ត​រត់​ទៅ​រក​អ្នក​ជួយ។ ហើយ​ក៏​សំណាង​ល្អ​ ដែលបានទាហាន​មក​​ជួយ​ទាន់​ពេល។

ក្រោយ​មក នាង​បាន​ធ្វើ​បច្ចុប្បន្នភាព​ឃ្លីប​មួយ​ទៀត ដោយបានបង្ហាញស្ថានភាពពេលទាហានក្មេងៗ៣នាក់ ហែលទៅជួយសង្គ្រោះ។ ក្នុង​ឃ្លីប​នោះ អ្នក​អាច​មើល​ឃើញ​ថា មាន​ទូក​ពណ៌​ខៀវ​បើក​កាត់​ តែ​ពួកគេហាក់មើល​មិន​ឃើញ។ សំណាង​ល្អ​ដែល​ករណីដ៏រន្ធត់​នេះ ​អាច​ជួយ​សង្គ្រោះ​អ្នក​ដែល​ធ្លាក់​ចូល​ទឹក​បាន​ទាន់​ពេល​វេលា​ និង​មាន​សុវត្ថិភាព។

ជាមួយគ្នានេះ អ្នកនិយមលេងអ៊ីនធឺណែត បាននាំគ្នាសរសើរទាហាន ដែលបានជួយសង្គ្រោះជីវិត និងពលរដ្ឋល្អ ដែលប្រើទូរស័ព្ទដៃពង្រីករូបភាព រហូតដល់អាចជួយបានភ្លាមៗ។ ហើយទន្ទឹមនឹងនេះផងដែរ គេក៏បានព្រមានដល់អ្នកដែលលេងកីឡាក្នុងទឹក ត្រូវមានអាវពោងសង្គ្រោះជីវិត កុំធ្វេសប្រហែសឲ្យសោះ ព្រោះរឿងហេតុអាចកើតឡើង មើលមិនឃើញនោះទេ៕ រក្សាសិទ្ធិដោយ៖ លឹម ហុង

@bowhansa ตอบกลับ @puy_135z ♬ เสียงต้นฉบับ – หรรษา สายบันเทิง
spot_img
×