ខេត្តកំពង់ស្ពឺ៖ កម្លាំងអធិការដ្ឋាននគរបាលស្រុកឧដុង្គ កាលពីថ្ងៃទី២១ ខែមីនា ឆ្នាំ ២០២៣ បានចុះបង្ក្រាប និង ឃាត់ខ្លួនជនសង្ស័យប្រុស-ស្រី ចំនួន២នាក់ ដែលជាមុខសញ្ញាចែកចាយ និង ជួញដូរគ្រឿងញៀនយ៉ាងសកម្ម ប្រព្រឹត្តនៅចំណុចភូមិចិនដាំម្លូ ឃុំវាំងចាស់ ស្រុកឧដុង្គ ខេត្តកំពង់ស្ពឺ ។
កម្លាំងសមត្ថកិច្ចនៃអធិការដ្ឋាននគរបាលស្រុកឧដុង្គ បានឲ្យដឹងថា ជនសង្ស័យ២នាក់ខាងលើមាន៖ ១-ឈ្មោះ ស៊ូ គង្គា ភេទ ប្រុស អាយុ ៣៨ ឆ្នាំ ។ ២-ឈ្មោះ ឈិន ស្រីស ភេទ ស្រី អាយុ ៣៧ ឆ្នាំ ។ អ្នកទាំង២នាក់រស់នៅភូមិចិនដាំម្លូ ឃុំវាំងចាស់ ស្រុកឧដុង្គ ខេត្តកំពង់ស្ពឺ ។
ចំណែកវត្ថុតាងដែលសមត្ថកិច្ចដកហូតបានរួមមាន៖ គ្រឿងញៀនប្រភេទម៉ាទឹកកកចំនួន ២៧កញ្ចប់ , ទូរស័ព្ទ ៥គ្រឿង , ដាវ ៣ រួមនឹងឧបករណ៍ប្រើប្រាស់គ្រឿងញៀនមួយចំនួន ។
បច្ចុប្បន្ន, ជនសង្ស័យខាងលើ ត្រូវបានបញ្ចូនទៅកាន់ស្នងការដ្ឋាននគរបាលខេត្ត កណ្តាល ដើម្បី រៀបចំបែបបទ និង កសាងសំណុំរឿង បញ្ជូនបន្តទៅកាន់តុលាការ ចាត់ការតាមនីតិវិធីច្បាប់ ៕ រក្សាសិទ្ធិដោយ ៖ ចន្ទា ភា
