ខេត្តកំពង់ឆ្នាំង៖ កម្លាំងនគរបាលព្រហ្មទណ្ឌក្រសួងមហាផ្ទៃ បានសហការជាមួយកម្លាំងនគរបាលខេត្តកំពង់ឆ្នាំង កាលពីថ្ងៃទី ២២ ខែ មីនា ឆ្នាំ ២០២៣ បានធ្វើការឃាត់ខ្លួនជនសង្ស័យម្នាក់ពាក់ព័ន្ធនឹងអំពើ ឃាត.កម្ម ដោយធ្វើសកម្មភាពទាញកាំបិតត្នោត ចាក់ទៅលើជនរងគ្រោះចំនួន ១៥កាំបិត បណ្ដាលឲ្យស្លា.ប់ យ៉ាងអាណោចអាធ័ម រួចយកនាឡិកាដៃ ទូរសព្ទ១គ្រឿង និងម៉ូតូ១គ្រឿង ប្រព្រឹត្តកាលពីថ្ងៃទី២១ ខែមីនា ឆ្នាំ ២០២៣ នៅនឹងផ្ទះរបស់ជនរងគ្រោះ ក្នុងភូមិតាំងពោន ឃុំពាម ស្រុកសាមគ្គីមានជ័យ ខេត្តកំពង់ឆ្នាំង ។
សមត្ថកិច្ចនគរបាលបានឲ្យដឹងថា ជនសង្ស័យមានឈ្មោះ វ៉ន រិទ្ធ ភេទប្រុស ។ ចំណែកឯជនរងគ្រោះមានឈ្មោះ ឈ្មោះ នុត សារឿន អាយុ ៥២ ឆ្នាំ ។ អ្នកទាំងពីរនាក់មានទីលំនៅភូមិតាំងពោន ឃុំពាម ស្រុកសាមគ្គីមានជ័យ ខេត្តកំពង់ឆ្នាំង ។
ជនសង្ស័យខាងលើ ត្រូវបានសមត្ថកិច្ចនគរបាលចាប់ខ្លួន កាលពីថ្ងៃទី ២២ ខែមីនា ឆ្នាំ២០២៣ ចំណុចផ្លូវលេខ១៣៦ ឃុំវាំងចាស់ ស្រុកឧដុង្គ ខេត្តកំពង់ស្ពឺ។
ក្រោយឃាត់ខ្លួន, ជនសង្ស័យមានឈ្មោះ វ៉ន រិទ្ធ បានសារភាពថា ខ្លួនពិតជាបានចា.ក់ស.ម្លាប់ជនរងគ្រោះមាន ឈ្មោះ នុត សារឿន ពិតប្រាកដមែន ដើម្បីប្ល.ន់យកនាឡិកាដៃ ទូរសព្ទ១គ្រឿង និងម៉ូតូ១គ្រឿង ។
បច្ចុប្បន្ន, ជនសង្ស័យខាងលើ ត្រូវបានបញ្ចូនទៅកាន់ស្នងការដ្ឋាននគរបាលខេត្តកំពង់ឆ្នាំង ដើម្បី រៀបចំបែបបទ និងកសាងសំណុំរឿង បញ្ជូនបន្តទៅកាន់តុលាការ ចាត់ការតាមនីតិវិធីច្បាប់ ៕ រក្សាសិទ្ធិដោយ ៖ ចន្ទា ភា
