ភ្នំពេញ ៖ នារីរូបស្រស់ម្នាក់វ័យប្រហែលជាង២០ឆ្នាំ ពុំដឹងថាមានវិបត្តិអ្វីនោះទេ បានសម្រចចិត្តបញ្ចប់ជីវិតខ្លួនឯងដោយលោតពីលើអគារផ្ទះជួលមួយកន្លែងជាន់ទី៣ ធ្លាក់មកទើលើសំយ៉ាបស័ង្កសីជាន់ទីមួយ រួចក៏រមៀលធ្លាក់ផ្កាប់មុខមកក្រោមដល់ដី បណ្តាលឲ្យរងរបួសធ្ងន់ កាលពីវេលាម៉ោង ១២និង២០នាទីយប់រំលងអធ្រាត្រឈានចូលថ្ងៃទី ២៧ ខែមីនាឆ្នាំ ២០២៣ ត្រង់ចំណុចអគារផ្ទះជួលមួយកន្លែង ស្ថិតនៅតាមបណ្តោយផ្លូវ ១៩៧២ ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
បើយោងតាមការបញ្ជាក់ពីបុរសម្នាក់ឃើញហេតុការខាងលើ បានប្រាប់ឲ្យដឹងថា មុនកើតហេតុដោយរូបគាត់ បានជិះម៉ូតូមួយគ្រឿងមកពីខាងក្រៅ រួចក៏បានឈុបនៅមុខអគារផ្ទះជួលកើតហេតុខាងលើ បន្ទាប់មករូបគាត់ក៏ឃើញនារីរងគ្រោះ មានវ័យអាយុប្រហែលជាង២០ឆ្នាំ បានឈរ យំនៅលើបង្កាន់ដៃអគារផ្ទះជួលជាន់ទី៣ ពុំដឹងថាមានវិបត្តិអ្វីនោះទេរូប គាត់ក៏បានស្រែកអោយនារីរូបនោះ ចុះមកអង្គុយផឹកនិងជជែកគ្នាលេងនៅខាងក្រោម ភ្លាមនោះដែរនារីរងគ្រោះ ក៏បានលោតពីលើបង្កាន់ដៃជាន់ទី៣ ទម្លាក់ខ្លួនចុះមកក្រោម ហើយមកទើនៅលើដំបូលសំយ៉ាប ជាន់ទីមួយ រួចក៏រមៀលខ្លួនធ្លាក់មកក្រោមផ្កាប់មុខដល់ដី បណ្តាលឲ្យរងរបួសយ៉ាងធ្ងន់ធ្ងរ បង្កឲ្យមានការភ្ញាក់ផ្អើលដល់អ្នករស់នៅជិតខាង រត់មកជួយហើយក៏បានទាក់ទងទៅរថយន្តសាមុយ ឲ្យដឹកនារីរងគ្រោះទៅសង្រ្គោះបន្ទាន់ភ្លាមៗ។
ប្រភពបន្តពីបុរសម្នាក់ដែលរស់នៅអគារផ្ទះជួល កើតហេតខាងលើ និងឃើញហេតុការណ៍បានបន្តឲ្យដឹងទៀតថា នារីរងគ្រោះមានឈ្មោះ ហ៊រ អាយុប្រហែលជាង២០ឆ្នាំ ពុំដឹងថាប្រកបរបអ្វីឲ្យពិតប្រាកដតែគ្រាន់តែដឹងថា នារីរូបនោះបានមកជួលបន្ទប់ស្នាក់នៅជាមួយនិងប្អូនបង្កើត តែពុំដឹងថាបានប៉ុន្មានខែរឬក៏ប៉ុន្មានឆ្នាំនោះទេ។
ក្រោយកើតហេតុខាងលើក៏មានវត្តមានកម្លាំងសមត្ថកិច្ចមូលដ្ឋានប៉ុស្តិ៍នគរបាលរដ្ឋបាលសង្កាត់ភ្នំពេញថ្មី បានចុះមកដល់រួចក៏ពិនិត្យនិងធ្វើការសួរនាំ ទៅលើអ្នកជិតខាងរស់នៅទីតាំងកើតហេតុ បន្ទាប់មកធ្វើការស្រាវជ្រាវបន្តនៅក្នុងជុំវិញការពីលោតស.ម្លាប់ខ្លួនរបស់នារីរងគ្រោះ មកពីមូលហេតុអ្វីឲ្យពិតប្រាកដ៕ រក្សាសិទ្ធិដោយ ៖ សា មេត
