នេះជាខណៈពេលដ៏រន្ធត់យ៉ាងខ្លាំង ដែលរថយន្ត១០មួយគ្រឿង បើកលឿនដូចហោះ ព្រោះតែដើម្បីឲ្យទាន់ភ្លើងខៀវ តែមានឯណា ពុំដូចបំណង លោតភ្លើងក្រហម ជាន់ហ្វ្រាំងពុំជាប់ បុករះរថយន្តកំពុងឈប់រង់ចាំស្តុប និងឡើងលើទ្រូងផ្លូវ ស្ទើរបុកអ្នកដើរតែម្តង ប៉ុន្តែ សំណាងហើយ ដែលអ្នកលក់នោះបានរត់ទាន់។
ហេតុការណ៍ដ៏ញាក់សាច់នេះ បានកើតឡើងនៅចំណុចផ្លូវបំបែកភ្លើងស្តុបមួយកន្លែង ស្ថិតនៅក្នុងស្រុក ណងគី ខេត្ត បុរីរ៉ាំ ប្រទេសថៃ។ រថយន្តចំនួន ៤ គ្រឿង ត្រូវបានគេរាយការណ៍ថា បានរងការខូចខាតយ៉ាងដំណំ ប៉ុន្តែ ពុំបណ្តាលឲ្យមានអ្នករងគ្រោះថ្នាក់ធ្ងន់ធ្ងរ ដល់អាយុជីវិតនោះទេ។
បើតាមស្រ្តីអ្នកលក់ស្វាយ និងសណ្តែកដី ដែលព្រលឹងចេញហូបព្រលិត បានប្រាប់អ្នកសារព័ត៌មានឲ្យដឹងថា នៅថ្ងៃកើតហេតុនោះ ខណៈពេលគាត់កំពុងហៀបនឹងដើរឆ្លងផ្លូវ ស្របពេលភ្លើងក្រហម ស្រាប់តែសំឡេងរថយន្តជាន់ហ្វ្រាំងឮពីចម្ងាយ ពេលនោះ ក៏ងាកឃើញរថយន្តកង់១០ បើកសំដៅចូលមកពីមុខ គាត់ក៏ប្រញាប់រត់គេចរួចផុតពីសេចក្តីស្លាប់ទាំងតក់ស្លុតបំផុត។ ស្រ្តីនោះក៏បានឲ្យដឹងថា គាត់ដើរលក់ដូរនៅផ្លូវបំបែកនេះ ៤-៥ ឆ្នាំ មកហើយ មិនដែលមានរឿងបែបនេះកើតឡើងនោះទេ។
លោក នី រ៉ាន ឈឿង អាយុ ៤១ ឆ្នាំ រស់នៅស្រុក ណារ៉ុង ម្ចាស់ឃ្លីបកាមេរ៉ា បាននិយាយថា នៅថ្ងៃកើតហេតុ គាត់បានបើករថយន្តដឹកឪពុកក្មេក ទៅពេទ្យនៅមន្ទីរពេទ្យ នៅខេត្តនគររាជសីមា ដោយចេញពីស្រុក ណាងរ៉ុង ប្រហែលម៉ោង ១០ ព្រឹក ហើយមកដល់ផ្លូវបំបែកស្រុក Nong Ki ម៉ោងប្រហែល ១១ ព្រឹក ក៏ឈប់ចតរថយន្ត ពេលភ្លើងក្រហម និងខណៈជិតដល់ភ្លើងខៀវ ដែលគាត់រៀបនឹងបើករំកិលរថយន្ត ស្រាប់តែឡានកង់១០មួយគ្រឿង បានបាត់បង់ការគ្រប់គ្រង ក៏បើកបុករះរថយន្តខាងមុខ និងឡើងឆ្លងទ្រូងផ្លូវ ស្ទើរតែបុកអ្នកដើរលក់ កំពុងឈរនៅមុខរថយន្តរបស់គាត់។ តែសំណាងល្អ អ្នកលក់បានរត់គេចខ្លួនទាន់ពេល។
បន្ទាប់មករថយន្តសណ្តោងនោះ បានបុករថយន្តរបស់គាត់ ហើយរថយន្តដែលនៅពីក្រោយគាត់ ដែលរង់ចាំភ្លើងស្តុប បណ្តាលឲ្យរងការខូចខាត ក្នុងនោះមានរថយន្តចំនួន៤គ្រឿង។ គាត់ និងឪពុកក្មេក ពិតជារន្ធត់ចិត្តជាខ្លាំង ប៉ុន្តែសំណាងល្អ គ្រាន់តែរថយន្តបុក មិនមានអ្នកណាម្នាក់រងរបួសនោះទេ។ ចំណែកឯការខូចខាតវិញ វានៅតែល្អដែលឡានមានធានា។
ចំពោះមូលហេតុ គេជឿថា តៃកុងបន្ថែមល្បឿន ដើម្បីតាមឲ្យទាន់ភ្លើងសញ្ញាចរាចរណ៍។ តែបើទោះជាគ្មានមនុស្សណាម្នាក់រងរបួសក៏ដោយ តែនេះគឺជាមេរៀនមួយដែលអ្នកបើកបរទាំងឡាយ ត្រូវតែមានការប្រុងប្រយ័ត្នខ្ពស់ ជៀសវាងបង្កគ្រោះថ្នាក់សម្រាប់ខ្លួនឯង និងអ្នកដទៃ ដោយសារតែការចេះអត់ធ្មត់ចំណាយពេលត្រឹមពីរបីនាទី រង់ចាំសញ្ញា៕ រក្សាសិទ្ធិដោយ៖ លឹម ហុង
@user9602u02334 ##អុីនំមួយ😑 ♬ សំឡេងដើម – lamtine570