ភ្នំពេញ ៖ រថយន្ត២គ្រឿងបុកគ្នាយ៉ាងពេញទំហឹង បណ្តាលឲ្យរថយន្តទាំង២គ្រឿងក្រឡាប់ផ្ងារជើង រងរបួសធ្ងន់ស្រាល៣នាក់ ។
នៅវេលាម៉ោង១រំលងអធ្រាត្រ ថ្ងៃទី៥ ខែកក្កដា ឆ្នាំ២០១៨ នៅចំណុចខាងត្បូងរង្វង់មូលគួរស្រូវ ផ្លូវជាតិលេខ២ ស្ថិតក្នុងសង្កាត់រលួស ខណ្ឌដង្កោ រាជធានីភ្នំពេញ ។
មនុស្សប្រុសស្រី៣នាក់ បានរងរបួសធ្ងន់ស្រាល ហើយត្រូវបានបញ្ជូនទៅសង្គ្រោះ នៅមន្ទីរពេទ្យ ។ ចំណែកភាគីរថយន្តហុីយ៉ាន់ដាយចំណុះ ៥តោ បានរងរបួសស្រាល បានរត់គេចខ្លួន ពីកន្លែងកើតហេតុ។ មុនពេលកើតហេតុ គេឃើញរថយន្តហុីយ៉ាន់ដាយ ចំណុះ៣តោន ដឹក ដោយពងទា ពាក់ស្លាកលេខភ្នំពេញ 3D-8449 ធ្វើដំណើរតាមបណ្ដោយផ្លូវជាតិលេខ២ ក្នុងទិសដៅពីជើងទៅត្បូងក្នុងល្បឿនលឿន មកដល់ចំណុចកើតហេតុ ក៏ស្រាប់តែមានរថយន្តមួយគ្រឿងទៀតម៉ាក ហុីយ៉ាន់ដាយ ចំណុះ៥តោន ដឹកផ្លែឈើ បើកក្នុងទិសដៅបញ្ច្រាសគ្នា រេចង្កូតចូលផ្លូវរថយន្តម្ខាងទៀត បណ្តាលឲ្យបុកគ្នាចំពីមុខគ្នាយ៉ាងពេញ ទំហឹងក្រឡាប់ទៅគៀបជាមួយដើមឈើ ៕ ដោយ៖បញ្ញាស័ក្តិ
