ជនបរទេស​ជិះកង់ ស្ទើរ​ស្រក់​ទឹកភ្នែ​ក ចំពោះ​ទង្វើ​ចិត្តធម៌​របស់​ស្រ្តី​ម្នាក់ ដែល​បាន​ធ្វើ​រឿង​មួយ​នេះ​មក​លើ​ខ្លួន…

កាលពី​២​សប្តាហ៍​មុន ​​ព័ត៌មានជនបរទេស​ជិះ​កង់​ម្នាក់ ​ត្រូវ​ប៉ូលិស​ឃាត់​នៅ​ស្ពាន Penang បានក្លាយជាព័ត៌មានទទួលការចាប់អារម្មណ៍យ៉ាងខ្លាំង​។ ចាប់តាំងពីពេលនោះមក ជនបរទេសអ្នកជិះកង់រូបនោះ ត្រូវបានគេស្គាល់ឈ្មោះថា Luca Montoya បុរសជនជាតិអាឡឺម៉ង់ បានប្តេជ្ញាចិត្តជិះកង់ទៅកាន់រដ្ឋអាឡាស្កា (Alaska) វិញ។ គាត់បានចាប់ផ្តើមធ្វើដំណើរពីប្រទេសសិង្ហបុរី ដោយបានជិះកង់ឆ្លងកាត់ប្រទេសម៉ាឡេស៊ី។

Luca បានចងក្រងឯកសារអំពីដំណើររបស់គាត់នៅលើគណនី TikTok របស់គាត់ unknown.route -ទីកន្លែងដែលវីដេអូរបស់គាត់ត្រូវបានប៉ូលីសម៉ាឡេស៊ី នាំទៅឆ្ងាយនៅឯស្ពាន Penang ជាលើកដំបូង បានធ្វើឱ្យផ្ទុះរលកកម្តៅនៅលើបណ្តាញសង្គម។

ទោះជាយ៉ាងណា លើកនេះ គាត់ចែករំលែកដល់អ្នកគ្រប់គ្នា នូវពេលវេលាដ៏រំភើបមួយ ដែលគាត់បានជួបប្រទះស្រ្តីចិត្តល្អម្នាក់នៅ Johor កាលពីប៉ុន្មានសប្តាហ៍មុន។

នៅក្នុងវីដេអូ TikTok រយៈពេល ២៥ វិនាទី Luca បានប្រាប់អ្នកទស្សនាថា គាត់ឈប់សម្រាកបន្ទាប់ពីជិះកង់ ដោយឈប់នៅស្ថានីយ៍ប្រេងឥន្ធនៈមួយកន្លែង នៅក្នុងទីក្រុង Muar រដ្ឋ Johor ។

Luca រៀបរាប់ថា ពេលកំពុងសម្រាកនៅស្ថានីយ៍ប្រេងឥន្ធនៈ ស្ត្រីម្នាក់បានដើរឆ្លងកាត់ ហើយគាត់បានសម្រេចចិត្តសួរនាងថា «តើអ្នកអាចណែនាំកន្លែងណាមួយ ដើម្បីខ្ញុំអាហារថ្ងៃត្រង់បានទេ?»។ ស្ត្រី​​នោះ​បាន​ឆ្លើយ​ថា “អូហ៍… លោក! កន្លែងលក់អាហារ​​នៅ​ទី​នេះអត់មាន​ទេ” រួច​នាង​ក៏​ចាក​ចេញ​ពី​ស្ថានីយ​ប្រេង…។

តែអ្វីដែលមិនស្មានដល់នោះ គឺស្រាប់ត្រឹមតែ ១០ នាទីក្រោយមក ស្រ្តីរូបនោះក៏បានត្រលប់មកវិញ ជាមួយនឹងអាហារថ្ងៃត្រង់ សម្រាប់ Luca។

នៅក្នុងវីដេអូរបស់គាត់ Luca ត្រូវបានគេមើលឃើញថា រកពាក្យថ្លែងពុំចេញនោះទេ ចំពោះទង្វើនៃសេចក្តីសប្បុរសដោយចៃដន្យ ពីស្ត្រីម៉ាឡេស៊ីរូបនោះ។

Luca និយាយនៅក្នុងវីដេអូ ពេលកំពុងញញឹមជាមួយនឹងកញ្ចប់បាយដែលគាត់ទើបតែទទួលបានថា «ពេលវេលាដ៏អស្ចារ្យបែបនេះ»។

វីដេអូ TikTok របស់គាត់ ឥឡូវនេះមានអ្នកចូលចិត្តជាង 45k ហើយចំណងជើងសរសេរថា «វាបានកើតឡើងនៅថ្ងៃទី៣ របស់ខ្ញុំ ដែលបានជិះកង់នៅប្រទេសម៉ាឡេស៊ី។ រឿងបែបនេះមិនដែលកើតឡើងចំពោះខ្ញុំពីមុនមកទេ ហើយនេះជាវីដេអូ​រៀបរាប់​​ពី​បទពិសោធន៍​របស់​ខ្ញុំ​នៅ​ម៉ាឡេស៊ី»។

ជាការពិតណាស់ អ្នកនិយមលេងអ៊ីនធឺណេតម៉ាឡេស៊ី បានធ្វើការបញ្ចេញមតិយ៉ាងព្រោងព្រាត ជាមួយនឹងការសរសើរចំពោះស្រ្តីម្នាក់នោះ និងការស្វាគមន៍យ៉ាងកក់ក្តៅចំពោះ Luca៕ រក្សាសិទ្ធិដោយ៖ លឹម ហុង

@unknown.route Moments like that ★ This happend on my 3rd day cycling in Malaysia. Something like that never happend before to me. This video describes pretty well how my experience was in Malaysia ❤️ #cycling #bikepacking #biking #biketok #fyp ♬ Pieces (Solo Piano Version) – Danilo Stankovic