អគ្គិភ័យដ៏ធំមួយបានឆាបឆេះរាលដាលលើនាវារាប់សិបគ្រឿងនៅកំពង់ផែ Benoa លើកោះសម្រាកកម្សាន្ដ Bali ប្រទេសឥណ្ឌូណេស៊ីនៅថ្ងៃ៩កក្កដាម្សិលមិញនេះ។ បច្ចុប្បន្នមិនទាន់មានរបាយការណ៍ពីចំនួនមនុស្សស្លាប់និងរបួសនេះទេ។
កន្លែងកើតហេតុ
ប៉ូលិសឱ្យដឹងថា អគ្គិភ័យចាប់ផ្ដើមឆាបឆេះអំឡុងពេលកណ្ដាលអធ្រាត្រ ហើយបានរាលដាលទៅកាន់នាវាជិត៤០គ្រឿង។ក្នុងនោះមានទាំងនាវាដឹកទំនិញខ្នាតតូច។កងកម្លាំងពន្លត់អគ្គិភ័យបានប្រឹងប្រែងយ៉ាងខ្លាំងទើបអាចពន្លត់បាននៅពេលព្រឹកថ្ងៃដដែល។
សាក្សីមួយចំនួននិយាយថា អគ្គិភ័យនេះផ្ដើមចេញពីការទុស្សេខ្សែភ្លើង ប៉ុន្ដែសមត្ថកិច្ចកំពុងបើកការស៊ើបអង្កតរកមូលហេតុពិត៕
សូយន