ភ្នំពេញ ៖ គ្រូបង្រៀនម្នាក់ ត្រូវខ្សែកភ្លើងឆក់ស្លាប់ ដោយសារតខ្សែភ្លើងខុសបច្ចេកទេស នៅវេលាម៉ោង ៣រសៀល ថ្ងៃទី៩ ខែកក្កដា ឆ្នាំ២០១៨ ដែលស្ថិតនៅចំណុចផ្ទះលេខA៦ ផ្លូវខាងសារិន ក្រុម៧ ភូមិ បឹងសាឡាង សង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ។
ជនរងគ្រោះឈ្មោះ ស៊ូ សុធា ភេទប្រុស អាយុ៤៧ឆ្នាំ មុខរបរ គ្រូបង្រៀននៅវិទ្យាល័យ ជា ស៊ីម បឹងកេងកង ទីលំនៅផ្ទះលេខ៤២ សង្កាត់ទឹកល្អក់៣ ខណ្ឌទួលគោក រាជធានីភ្នំពេញ។ ជនរងគ្រោះបានមករៀបចំប្រព័ន្ធទឹក នៅផ្ទះជួលមួយកន្លែង ដែលស្ថិតនៅចំណុចកើតហេតុខាងលើ ដោយជនរងគ្រោះបានដាក់ម៉ូទ័របូមទឹកបន្ថែម ឡើងទៅជាន់ទី១ និងជាន់ទី២។ ពេលដែលជនរងគ្រោះតខ្សែភ្លើង ក៏បានខុសបច្ចេកទេស បណ្តាលឲ្យឆក់ស្លាប់នៅកន្លែងកើតហេតុតែម្តង។
សមត្ថកិច្ចជំនាញ នៃការិយាល័យបច្ចេកទេសវិទ្យសាស្ត្រ និងគ្រូពេទ្យតុលាការ មកពិនិត្យលើសាកសពជនរងគ្រោះដោយបានបញ្ជាក់ថា ជនរងគ្រោះខាងលើពិតជាស្លាប់ដោយឆក់ខ្សែភ្លើងប្រាកដមែន៕ ដោយ៖បញ្ញាស័ក្តិ
