Friday, February 23, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ផ្ទុះ​ការ​វែកញែក​ព្រោងព្រាត បន្ទាប់​កីឡាការិនី​ខ្មែរលើ ដ៏​រួសរាយ បង្ហើប​ថា នាង​មក​ពី​ខ្មែរ​ខេត្ត​មួ​យ​នេះ ជាប់​សុរិ​ន្ធ និង​ព្រះវិហារ

spot_img

កីឡការិនីផ្នែកចំបាប់ ជាឈាមជ័រខ្មែរ តំណាងឲ្យថៃ ដែលមានភាពរួសរាយ រាក់ទាក់គួរឲ្យស្រលាញ់ បានកំពុងធ្វើឲ្យមហាជនផ្ទុះចាប់អារម្មណ៍ និងនាំគ្នាជជែកវែកញែកឡើងព្រោងព្រាត បន្ទាប់ពីនាងបានបង្ហើបថា មកពីខ្មែរសិរីស្លាកេត (ថៃហៅស៊ីសាកេត) ជាប់ខេត្តសុរិន្ធ និងខេត្តព្រះវិហារផងដែរ ដែលធ្វើឲ្យគ្រប់គ្នាមានការភ្ញាក់ផ្អើល ព្រោះធ្លាប់តែឮខ្មែរសុរិន្ទ មិននឹកស្មានថា ខ្មែរលើមានច្រើន ដែលត្រូវបានថៃគ្រប់គ្រង។

កីឡាការិនីរូបនេះ ត្រូវបានដឹងថាមានឈ្មោះ​ ណារិន ណាដៀ (Narin Nadia) ដែលជាខ្មែរសិរីស្លាកេត និយាយភាសាខ្មែរ​យ៉ាងច្បាស់ៗ ជាមួយក្រុមគ្រូពេទ្យ អ្នកស្ម័គ្រចិត្ត និងអ្នកសារព័ត៌មាន អំឡុងពេលនាងទទួលការព្យាបាលក្រោយចប់ប្រកួត។ នាងទទួលបានមេដាយប្រាក់​ ផ្នែកកីឡាចំប៉ាប់ លើប្រភេទទម្ងន់៥៣គីឡូក្រាម​ ក្នុងព្រឹត្តិការណ៍ស៊ីហ្គេមលើកទី៣២​ នាទឹកដីខ្មែរកណ្តាល (កម្ពុជា)។

ក្រោយពីបានឃើញមានភាពរួសរាយ ជាមួយស្នាមញញឹមដ៏រីករាយជាប់ជានិច្ចបែបនេះ បានធ្វើឲ្យអ្នកលេងបណ្តាញសង្គមខ្មែរយើងជាច្រើន នាំគ្នាបង្ហាញការស្រលាញ់ចូលចិត្តគ្រប់ៗគ្នាថា៖ «និយាយភាសាខ្មែរបានពិរោះណាស់ ‘អូយចុក’ ឲ្យច្បាស់ចែស, ដូនតាខ្មែរតែមួយ រីករាយដែលបានជួប, រួសរាយ លេងសើច គួរឲ្យស្រលាញ់ណាស់, ជូនពរឲ្យឆាប់ជាណាក្មួយ…»។

ដោយឡែក នៅពេលមានខ្មែរកណ្តាលមួយចំនួន ស្គាល់តែខ្មែរសុរិន្ទ ឲ្យតែឮថាខ្មែរលើ គឺដឹងតែសុរិន្ធ ក៏មានបងប្អូនខ្មែរជាច្រើន ដែលស្គាល់ច្បាស់ពីខ្មែរលើ បានចេញមកប្រាប់ឲ្យដឹងថា៖ «អ្នកដឹងបានដឹង អ្នកសិរីស្លាកេត ខ្មែរសឹង ៨០% ភាគច្រើនមិនដែលនិយាយថៃទេ, ខ្មែរយើងមិនមែនមានតែខ្មែរសុរិន្ទមួយទេ មានទាំងខ្មែរបុរីរម្យ (ថៃហៅបុរីរាំ) ខ្មែរសិរិស្លាកេត (ថៃហៅស៊ីសាកេត) ខ្មែរនគរាជសីមា និងនៅមានច្រើនទៀត ហើយខ្មែរលើដែលនិយាយភាសាខ្មែរច្រើន គឺនៅខេត្តបុរីរាំនេះហើយ តែបើនិយាយពីវប្បធម៍ខ្មែរវិញ គឺនៅខេត្តសុរិន្ទដែលមានសប្បូរដោយវប្បធម៍ខ្មែរដើម,….»៕ រក្សាសិទ្ធិដោយ៖ លឹម ហុង

spot_img
×