ប៉ុន្មានថ្ងៃមុននេះ វីដេអូបង្ហាញស្រ្តីស្លៀកសម្ញែងដើមទ្រូង ជាតិជាតិអង់គ្លេសម្នាក់ ដែលគេស្គាល់ថាជាតារាល្បីឈ្មោះ Daniel Wright អាយុ ២២ ឆ្នាំ ខណៈបើករថយន្តទំនើប ចូលរកចាក់សាំងនៅស្ថានីយ៍ប្រេងឥន្ធនៈ ត្រូវបានចែករំលែកធ្វើឱ្យមនុស្សក្នុងពិភពអនឡាញ ផ្ទុះការភ្ញាក់ផ្អើល និងហួសចិត្តជាខ្លាំង ខណៈមនុស្សជាច្រើន បានសើចចំអកឱ្យនាងដោយនិយាយថា នាងមិនឆ្លាតសោះ។
ជាក់ស្តែង ស្ត្រីរូបនេះ ពិតជាមានការងឿងឆ្ងល់ជាខ្លាំង នៅក្នុងស្ថានីយប្រេង ខណៈព្យាយាមដើរស្វែងគម្រធុងសាំងគ្រប់ទីកន្លែងនៃរថយន្តរបស់ខ្លួន តែរកមិនឃើញសោះ ដែលធ្វើឱ្យរថយន្តនៅពីខាងក្រោយមកចតរង់ចាំអស់មួយសន្ទុះធំ។ ជាមួយសកម្មភាពដ៏ចម្លែករបស់នាង បានធ្វើឲ្យអ្នកបើករថយន្តបន្ទាប់ ថតឃ្លីបបានសើចចំអកហួសចិត្តយ៉ាងខ្លាំងតែម្តង ព្រោះតែនាងភ្លេចគិតរថយន្តទំនើបរបស់នាងជារថយន្ត Tesla ដែលជារថយន្តអគ្គិសនី ដែលមិនអាចចាក់សាំងបានទេ ហេតុអី ក៏នាងជាម្ចាស់រថយន្តមិនដឹងខ្យល់អ្វីសោះអ៊ីចឹង!។
បន្ទាប់ពីវីដេអូឃ្លីបនេះ ត្រូវបានគេចែករំលែក វាទទួលបានការចាប់អារម្មណ៍ពីមនុស្សជាច្រើន ដោយមានអ្នកចូលមើលជាង ៤០ លានដង។ ក្នុងនោះ អ្នកលេងអ៊ីនធើរណែត បានសម្តែងការហួសចិត្តថា «មានលុយទិញឡានថ្លៃ តែមិនស្គាល់បច្ចេកវិទ្យា នាងមិនឆ្លាតទាល់តែសោះ»។ តែទន្ទឹមនឹងនោះ ក៏មានអ្នកខ្លះជឿថា វាជាវីដេអូឃ្លីបគ្រាន់តែជាការបង្កើតឡើង ដើម្បីទាក់ទាញចំណាប់អារម្មណ៍របស់នាងប៉ុណ្ណោះ។
ក្រោយពីបានឃើញវីដេអូនេះ បានផ្ទុះឡើងជាមួយមតិមហាជនសើចចំអក នាង Daniel បានចេញមុខឆ្លើយតបថា នាងទើបតែទិញរថយន្ត Tesla ស៊េរីថ្មី និងបានអះអាងថា វាមិនមែនដោយសារតែនាងគ្មានចំណេះដឹងនោះទេ ប៉ុន្តែវាជាទម្លាប់ភ្លេចគិតថា រថយន្តសាកថ្ម ដោយនាងបាននិយាយថា Daniel បាននិយាយថា សូម្បីតែ Elon Musk ក៏ធ្លាប់និយាយទៅកាន់ខ្លួនឯងថា «ទម្លាប់ចាស់ពិបាកនឹងបោះបង់»៕ រក្សាសិទ្ធិដោយ៖ លឹម ហឹង
