ដើម្បីបើកដំណើរការឡើងវិញ ហាងខារ៉ាអូខេដ៏ប្រណីតបំផុតមួយ ក្នុងទីក្រុងរ៉ាចជៀ ខេត្តគៀនយ៉ាង បានផ្លាស់ប្តូរម្ចាស់ និងចុះបញ្ជីអាជីវកម្មដោយឈ្មោះផ្សេង ប៉ុន្តែនៅតែខុសច្បាប់ ដោយសារអនុញ្ញាតឲ្យមនុស្សជាច្រើនប្រមូលផ្តុំគ្នាប្រើប្រាស់គ្រឿងញៀន។
នៅវេលាម៉ោងប្រហែល ១ទៀបភ្លឺ ថ្ងៃទី៤ ខែមិថុនា នាយកដ្ឋាននគរបាលស៊ើបអង្កេតបទល្មើសគ្រឿងញៀន និងនគរបាលខេត្តកៀនយ៉ាង បានឆ្មក់ចូលឆែកឆេរហាងខារ៉ាអូខេដ៏ប្រណីត (ជាកម្មសិទ្ធិរបស់ Karaoke Victory Co., Ltd) មានទីតាំងស្ថិតនៅផ្លូវ តុងដុក ទីក្រុង រ៉ាចជៀ។
តាមរយៈការចុះឆែកឆេរបន្ទប់ខារ៉ាអូខេចំនួន ១២ បន្ទប់ កម្លាំងសមត្ថកិច្ចបានរកឃើញថា មានមនុស្សប្រុសស្រីចំនួន ១១០ នាក់ បានជួលបន្ទប់ច្រៀង និងប្រើប្រាស់ដោយខុសច្បាប់នូវសារធាតុញៀន។
មុខសញ្ញាជាច្រើនបានព្យាយាមរត់គេចខ្លួន ប៉ុន្តែត្រូវបានឃាត់ខ្លួន។ នៅកន្លែងកើតហេតុ សមត្ថកិច្ចបានដកហូតបានថ្នាំញៀនចំនួន ៦ ថង់ និង១៣គ្រាប់ ។ តាមរយៈការធ្វើតេស្តរហ័ស មនុស្សចំនួន ៧៦ នាក់ ត្រូវបានរកឃើញវិជ្ជមានចំពោះសារធាតុញៀន ក្នុងនោះមាននារីក្មេងៗជាច្រើននាក់។
បញ្ជាក់ផងដែរថា នៅទីតាំងនេះ (ពីមុនហៅថា MTV Luxury karaoke) កាលពីខែកក្កដា ឆ្នាំ ២០២២ ប៉ូលីសខេត្ត Kien Giang បានត្រួតពិនិត្យ និងរកឃើញមុខសញ្ញាចំនួន ១៣២ វិជ្ជមាន ថ្នាំញៀន។
បន្ទាប់មក ហាងខារ៉ាអូខេនេះ ត្រូវបានអាជ្ញាធរដាក់ទណ្ឌកម្ម និងដកហូតអាជ្ញាប័ណ្ណអាជីវកម្មរបស់ខ្លួន។ ដើម្បីបើកដំណើរការឡើងវិញ ហាងខារ៉ាអូខេនេះបានផ្លាស់ប្តូរម្ចាស់ និងចុះបញ្ជីអាជីវកម្មរបស់ខ្លួនដោយឈ្មោះផ្សេង ប៉ុន្តែនៅតែត្រូវបានអនុញ្ញាតិឱ្យបំពានដដែល ដោយសារមនុស្សជាច្រើនប្រមូលផ្តុំគ្នាប្រើប្រាស់គ្រឿងញៀនខុសច្បាប់៕ រក្សាសិទ្ធិដោយ៖ លឹម ហុង
