ដល់ក! ស្រី​ស្អាត២នាក់ ទំនង​ស្រវឹង ផ្ទុះ​ហិង្សា​ផ្អើល​ការ​ឡាយ​ទាំ​ងយប់ ចោទប្រកាន់​គ្នា​ដោយសារ​រឿង​មួយ​នេះ

កាលពីថ្ងៃទី៥ ខែមិថុនា ឆ្នាំ២០២៣ បណ្តាញទំនាក់ទំនងសង្គមកូរ៉េ មានការភ្ញាក់ផ្អើលយ៉ាងខ្លាំង ចំពោះអ្នកស្ទ្រីមស្រីម្នាក់ បានប្រើអំពើហិង្សាទៅលើដៃគូជិតស្និទ្ធរបស់ខ្លួន ខណៈកំពុងផ្សាយបន្តផ្ទាល់។ ជនរងគ្រោះ​ក្នុងហេតុការណ៍​ គឺ​ជា​អ្នក​ចាក់ផ្សាយ​ឈ្មោះ Yeoul ហើយ​អ្នក​វាយប្រហារ​ឈ្មោះ NyamJjang។

ក្នុង​ឃ្លីប​ដែល​ល្បី​ពេញ​បណ្ដាញ​សង្គម បានបង្ហាញនាង NyamJjang បាន​ស្រែក​ប្រាប់ Yeoul ថា “Unnie!” (ជាពាក្យដ៏រាក់ទាក់ក្នុងការហៅបងស្រីរវាងស្ត្រីពីរនាក់) មុនពេលចូលទៅជិត ហើយចាក់អ្នកចាស់ចំមុខដោយសម។

អ្នកអាច​មើល​ឃើញ​ជន​រង​គ្រោះ​ហូរ​ឈាម ​ដួល​បោក​ក្បាល​ថ្នល់​ ដោយ​សារ​ឈឺ​ចាប់ខ្លាំង ខណៈពេលដែលនាង NyamJjang បានទាញសក់របស់ Yeoul ហើយទាត់ម្តងហើយម្តងទៀត។ អ្នក​លេង​អ៊ីនធឺណិត​ ពិតជាតក់ស្លុត ​ពេល​ឮ​សំឡេង​សើច​របស់​អ្នក​វាយប្រហារ។

យោងតាមប្រព័ន្ធផ្សព្វផ្សាយក្នុងស្រុក អ្នកស្ទ្រីមស្រីទាំងពីរ បានធ្វើការជាមួយគ្នាក្នុងកម្មវិធីមុនៗជាច្រើនដង។ ពួកគេត្រូវបានគេនិយាយថា មានទំនាក់ទំនងជិតស្និទ្ធនឹងគ្នាណាស់។

ទោះជាយ៉ាងណា បន្ទាប់ពីការវាយប្រហារ នាង NyamJjang បានបង្ហោះនៅលើទំព័រផ្ទាល់ខ្លួនរបស់គាត់ បង្ហាញពីអាកប្បកិរិយាហឹង្សា ដោយនាងបានហៅករណីនេះថាជាការដាក់ទោសចំពោះមនុស្សអាក្រក់។

NyamJjang បានចោទប្រកាន់ Yeoul ថា បាននិយាយដើមនាង និងជាពិសេសបានប្រើអំពើហិង្សាទាញសក់របស់នាង និងធ្វើបាបនាង ជាច្រើនលើក តែនាងទ្រាំ។

ក្នុងនោះ នាង NyamJjang បានសរសេររៀបរាប់ថា៖ «ខ្ញុំស៊ូទ្រាំដោយស្ងៀមស្ងាត់ ប៉ុន្តែថ្ងៃមួយ នាងចាប់ផ្តើមកាត់ទោសខ្ញុំតាមរយៈការផ្សាយផ្ទាល់ ដោយគំរាម និងវាយខ្ញុំ។ ហើយបន្ទាប់មក នាងបានមករកខ្ញុំនៅថ្ងៃនេះ។ និយាយឱ្យត្រង់ទៅ ខ្ញុំត្រូវស៊ូទ្រាំនឹងការបំពានលើរាងកាយជាច្រើនដែលអ្នកមិនដឹង ហើយត្រូវស៊ូទ្រាំ ព្រោះតែនាងឋានៈខ្ពស់ជាងខ្ញុំ។ ពេល​នោះ​ នាង​បាន​មក​ជួប​ខ្ញុំ ខណៈ​ដែល​ខ្ញុំ​កំពុង​ផ្សាយ​បន្ត​ផ្ទាល់»។

តារា YouTuber រូបនេះបានបន្តថា៖ «មាន​ពេល​ខ្លះ​ដែល​ខ្ញុំ​ត្រូវ​របួសពីការវាយ​ដំ និង​ជេរបណ្តាសា។ អ្នក​ដែល​បាន​មើល​ការ​ផ្សាយ​បន្ត​ផ្ទាល់​របស់​នាង ​បាន​ដឹង​ថា​នាង​កំពុង​ជេរ​ខ្ញុំ។ ខ្ញុំបានទាញសក់របស់ខ្ញុំចេញ ពិការធ្វើបាបរាងកាយ។ អ្វីៗដែលខ្ញុំកំពុងប្រាប់អ្នកទាំងអស់គ្នា គឺសុទ្ធតែជាការពិត។ ខ្ញុំសុំទោស ប្រសិនបើរឿងនេះធ្វើឱ្យអ្នកខកចិត្ត»។

ហេតុការណ៍​នេះ​បាន​បង្ក​ឲ្យ​មាន​ភាព​ចម្រូងចម្រាស​កាន់​តែ​ខ្លាំង​ឡើង​ នៅលើ​បណ្ដាញ​សង្គម​របស់​ប្រទេសនេះ។ NyamJjang ត្រូវ​បាន​គេ​និយាយ​ថា ​បាន​លុប​វីដេអូ​ទាំង​អស់​នៅ​លើ​ឆាណែល YouTube របស់ខ្លួន។

តែដើម្បីជាការឆ្លើយតបទៅនឹងការចោទប្រកាន់របស់ប្អូន, Yeoul បានចែករំលែករូបថតមុខរបួសរបស់នាងនៅលើប្រព័ន្ធផ្សព្វផ្សាយសង្គម និង​រាយការណ៍​ទៅ​ប៉ូលិស។ Yeoul បាន​បដិសេធ​ថា ​មិន​ធ្លាប់​បាន​បំពាន​លើ​រូប​រាង​កាយ NyamJjang នោះទេ។

ទោះជាយ៉ាងណា ប្រព័ន្ធ​ផ្សព្វផ្សាយ​បាន​រាយការណ៍​ថា ស្រ្តីអ្នក​ផ្សាយ​ទាំង​ពីរ​បាន​បង្ហាញ​សញ្ញា​ស្រវឹង​ នៅក្នុងអំឡុង​ពេល​វាយ​ប្រហារគ្នាកើតឡើង៕ រក្សាសិទ្ធិដោយ៖ លឹម ហុង