ភ្នំពេញ៖ ឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្មកម្ពុជា និង ឯកឧត្តមបណ្ឌិត Thani bin Ahmed Al Zeyoudi រដ្ឋមន្រ្តីពាណិជ្ជកម្មអន្តរជាតិអេមីរ៉ាតអារ៉ាប់រួម បានអញ្ជើញជាអធិបតីចូលរួមក្នុងវេទិកាធុរកិច្ចលើកទី២ រវាងព្រះរាជាណាចក្រកម្ពុជា និងអេមីរ៉ាតអារ៉ាប់រួម នៅសណ្ឋាគារសូហ្វីតែលភ្នំពេញភូគីត្រា ដោយមានការចូលរួមពីអ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និង ឯកឧត្តម Rashed Abdulkarim Al Blooshi អនុរដ្ឋលេខាធិការនៃនាយកដ្ឋានអភិវឌ្ឍន៍សេដ្ឋកិច្ចអាប៊ុយដាប៊ី និងជាតំណាងសភាពាណិជ្ជកម្មអេមីរ៉ាតអារ៉ាប់រួម ព្រមទាំងថ្នាក់ដឹកនាំពីស្ថាប័ន-ពាក់ព័ន្ធ សមាជិកសភាពាណិជ្ជកម្ម និងប្រធានក្រុមហ៊ុនឯកជននៃប្រទេសទាំងពីរជាច្រើនរូប នារសៀលថ្ងៃទី៧ ខែមិថុនា ឆ្នាំ២០២៣ នៅរាជធានីភ្នំពេញ។
![](https://cen.com.kh/wp-content/uploads/2023/06/352348095_758644519070688_6989902803570140288_n-1024x683.jpg)
វេទិការធុរកិច្ចលើកទី២នេះ គឺរៀបចំឡើងស្របពេលនឹងពិធីចុះហត្ថលេខាលើកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយរវាងកម្ពុជា និងអេមីរ៉ាតអារ៉ាប់រួម (Cambodia-UAE Comprehensive Economic Partnership Agreement – CEPA) ដែលនឹងប្រព្រឹត្តទៅក្រោមអធិបតីភាពដ៏ខ្ពង់ខ្ពស់បំផុតរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នាថ្ងៃទី០៨ ខែមិថុនា ឆ្នាំ២០២៣ នៅវិមានសន្តិភាព។ វេទិកាធុរកិច្ចនេះ ក៏បានប្រព្រឹត្តឡើងដោយស្របតាមលទ្ធផលជាវិជ្ជមាននៃវេទិកាធុរកិច្ចលើកទី១ កាលពីថ្ងៃទី២៤ ខែតុលា ឆ្នាំ២០២៣ នៅអាប៊ុយដាប៊ី អេមីរ៉ាតអារ៉ាប់រួម។
![](https://cen.com.kh/wp-content/uploads/2023/06/352360096_800379461710440_1628085308194119315_n-1024x683.jpg)
ថ្លែងក្នុងសុន្ទរកថាបើក ឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្មកម្ពុជា បានគូសបញ្ជាក់អំពីសារៈសំខាន់នៃវេទិកាធុរកិច្ចនេះ ដែលបានរួមចំណែកយ៉ាងសំខាន់ក្នុងការផ្សារភ្ជាប់វិនិយោគិន ធុរជន ផលិតករ និងពាណិជ្ជករនៃប្រទេសទាំងពីរ ដើម្បីអាចពិនិត្យលទ្ធភាពក្នុងការធ្វើកិច្ចសហប្រតិបត្តិការ និងអនុវត្តគម្រោងវិនិយោគអាទិភាពរួម ជាពិសេសដោយត្រៀមប្រើប្រាស់ឱ្យអស់ពីលទ្ធភាពនូវអត្ថប្រយោជន៍ និងកាលានុវត្តភាពនានាផ្តល់ដោយកិច្ចព្រមព្រៀង Cambodia-UAE CEPA ដែលនឹងចូលជាធរមាននាពេលខាងមុខ។
ទន្ទឹមនឹងនោះ ឯកឧត្តមរដ្ឋមន្រ្តី ក៏បានជម្រាបជូនអំពីអត្ថប្រយោជន៍នៃការវិនិយោគនៅកម្ពុជា រួមមាន៖ ទីតាំងយុទ្ធសាស្រ្តរបស់កម្ពុជាក្នុងតំបន់ បរិយាកាសវិនិយោគអំណោយផល ពិពិធកម្មទីផ្សារនាំចេញទូលាយបានពីកិច្ចព្រមព្រៀងពាណិជ្ជកម្មសេរី ភាពធន់នៃសេដ្ឋកិច្ច ភាពសំបូរបែបនៃវត្ថុធាតុដើមសម្រាប់ផលិតកម្ម និងស្ថេរភាពម៉ាក្រូសេដ្ឋកិច្ច។-ល-។
![](https://cen.com.kh/wp-content/uploads/2023/06/352233379_924882515470123_7007443395511030596_n-1024x683.jpg)
ក្នុងឱកាសនោះដែរ ឯកឧត្តមបណ្ឌិត Thani bin Ahmed Al Zeyoudi បានធ្វើការកោតសរសើលើការអភិវឌ្ឍសង្គម-សេដ្ឋកិច្ច និងសក្តានុពលក្នុងការវិនិយោគ និងធុរកិច្ចលើស្ទើគ្រប់វិស័យ ដែលវិនិយោគិន និងធុរជនអេមីរ៉ាតអារ៉ាប់រួមអាចច្បាមយក ដើម្បីបន្តពង្រីកប្រតិបត្តិការអាជីវកម្មរបស់ខ្លួន។
បន្ថែមពីលើនេះ ឯកឧត្តមបណ្ឌិត ក៏បានគូសបញ្ជាក់ពីសារៈសំខាន់នៃកិច្ចព្រមព្រៀង Cambodia-UAE CEPA ដែលនឹងក្លាយជាកាតាលីករដ៏សំខាន់ ក្នុងការជំរុញកិច្ចសហប្រតិបត្តិការទ្វេភាគីជាពិសេសក្នុងវិស័យពាណិជ្ជកម្ម និងវិនិយោគឱ្យកាន់តែស៊ីជម្រៅ។
គួរបញ្ជាក់ផងដែរថា វេទិកាធុរកិច្ចនេះ ក៏មានការធ្វើបទបង្ហាញលើប្រធានបទសំខាន់ៗ រួមមាន៖ បរិយាកាសវិនិយោគនៅកម្ពុជានិងអេមីរ៉ាតអារ៉ាប់រួម សក្តានុពលនៃវិស័យកសិកម្មនិងទេសចរណ៍ ហេដ្ឋារចនាសម្ព័ន្ធរូបវ័ន្ត ការផ្គត់ផ្គង់ថាមពលនិងចំណីអាហារ ក៏ដូចជាសក្តានុពលនៃកិច្ចសហប្រតិបត្តិការក្នុងផ្នែកភស្តុភារនិងដឹកជញ្ជូន(កំពង់ផែ) ជាដើម៕ រក្សាសិទ្ធដោយ ៖ សុទ្ធលី
![](https://cen.com.kh/wp-content/uploads/2023/06/352099416_781425020057771_8168892282253982252_n-1024x683.jpg)
![](https://cen.com.kh/wp-content/uploads/2023/06/352215212_993447191832608_6146933715865163371_n-1024x683.jpg)
![](https://cen.com.kh/wp-content/uploads/2023/06/352218481_942549013738100_1638205175789220481_n-1024x683.jpg)
![](https://cen.com.kh/wp-content/uploads/2023/06/352237124_1307434259858626_4814747600746288556_n-1024x683.jpg)
![](https://cen.com.kh/wp-content/uploads/2023/06/352240344_5987893621322983_173461544805539716_n-1024x683.jpg)
![](https://cen.com.kh/wp-content/uploads/2023/06/352280418_1210225757044770_357124817051767527_n-1024x683.jpg)
![](https://cen.com.kh/wp-content/uploads/2023/06/352288110_277949651301175_630084291877948675_n-1024x683.jpg)
![](https://cen.com.kh/wp-content/uploads/2023/06/352297177_1261088581193177_8874862070331424442_n-1024x683.jpg)
![](https://cen.com.kh/wp-content/uploads/2023/06/352362575_981983376308236_8997473318606032167_n-1024x683.jpg)
![](https://cen.com.kh/wp-content/uploads/2023/06/352379056_781624890158930_7030021509774357837_n-1024x683.jpg)
![](https://cen.com.kh/wp-content/uploads/2023/06/352395871_1295064661437665_7387821823845948226_n-1024x683.jpg)
![](https://cen.com.kh/wp-content/uploads/2023/06/352399103_953836002333162_7119629045572246755_n-1024x683.jpg)
![](https://cen.com.kh/wp-content/uploads/2023/06/352408066_1721769751578167_5886330746863845494_n-1024x683.jpg)
![](https://cen.com.kh/wp-content/uploads/2023/06/352473167_790760905829348_277640734771184369_n-1024x683.jpg)
![](https://cen.com.kh/wp-content/uploads/2023/06/352482750_302370502135494_2113013740438819183_n-1024x683.jpg)
![](https://cen.com.kh/wp-content/uploads/2023/06/352504724_575872111284649_4347853107426724695_n-1024x683.jpg)
![](https://cen.com.kh/wp-content/uploads/2023/06/352512752_1382010855694848_8594803216503655603_n.jpg)
![](https://cen.com.kh/wp-content/uploads/2023/06/352692253_1297646284205428_485358206602808600_n-1024x683.jpg)
![](https://cen.com.kh/wp-content/uploads/2023/06/352741341_1689414694852063_7665480312437131582_n-1024x683.jpg)