រឿងរ៉ាវរបស់នារីវៀតណាមម្នាក់ ដែលបានចែករំលែកបទពិសោធន៍ដ៏ឈឺចាប់របស់នាង ព្រោះតែជ្រើសរើសមនុស្សប្រុសខុស ដែលមិនស្មោះស្ម័គ្រ ធ្វើឲ្យនាងរងទឹកភ្នែកស្ទើររាល់ថ្ងៃ រហូត៤ឆ្នាំ រហូតធ្លាក់រូបសម្រស់ស្គមរីងរៃ សល់តែស្បែកដណ្តប់ឆ្អឹង បានបង្កឲ្យមានការពិភាក្សាយ៉ាងក្តៅ នៅក្នុងពិភពអនឡាញប្រទេសនេះ។
ស្រីស្អាតរូបនេះបានបង្ហើបថា ក្នុងរយៈពេល៤ឆ្នាំ នៃទំនាក់ទំនងរបស់ពួកនាង គឺនាងមិនទទួលបានការចាប់អារម្មណ៍ យកចិត្តទុកដាក់មើលថែ ពីមិត្តប្រុសរបស់នាងឡើយ ដោយរូបគេ បានត្រឹមលួងលោម ឆក់យកខ្លួនប្រាណរបស់នាង ដើម្បីគ្រាន់តែជាការលេងសើច ជាមួយមនុស្សស្រីផ្សេងទៀតប៉ុណ្ណោះ។ ជាមួយនឹងទង្វើមិនស្រលាញ់ស្មោះស្ម័គ្ររបស់មិត្តប្រុស នាងត្រូវមើលថែខ្លួនឯង ហើយដោយសារតែការរងទុក្ខជាច្រើន បានធ្វើឲ្យស្ថានភាពរូបរាងកាយរបស់នាង កាន់តែអាក្រក់ រហូតទម្ងន់របស់នាងធ្លាក់នៅសល់ត្រឹមតែ ៣៥ គីឡូក្រាមប៉ុណ្ណោះ។
ទោះជាយ៉ាងណា ក្រោយបរាជ័យ ជាមួយស្នេហាដ៏ឈឺចាប់បំផុត និងខំអត់ធ្មត់អស់រយៈពេល៤ឆ្នាំ នាងក៏បានតាំងចិត្តឈប់គិតរឿងនេះ និងខិតខំថែខ្លួនឯងឡើងវិញ រហូតឡើងគីឡូជាង ១០ គីឡូ ដូចមនុសស្រីធម្មតា ៤៥ គីឡូ ។ លើសពីនេះ នាងក៏បានកែប្រែរូបរាង និងការស្លៀកពាក់ឲ្យកាន់តែស្អាត ស៊ិចស៊ីផងដែរ។
ជាក់ស្តែង រូបភាពរបស់នាង នាពេលបច្ចុប្បន្ននេះ គឺខុសគ្នាទាំងស្រុង កាលពីនាងនៅវ័យក្មេង ដែលមានសាច់ឈាមទ្រលក់ទ្រលន់ លង់ស្នេហ៍នឹងប្រុសមិនស្មោះ។ នាងបានប្រែក្លាយដូចជាមនុស្សផ្សេង ហើយឥឡូវនេះ នាងក៏បានរកឃើញសុភមង្គលពិតផងដែរ ដោយមិនចាំបាច់មានបុរសម្នាក់នោះ ក្នុងជីវិតរបស់នាងទៀតឡើយ។
ទន្ទឹមនឹងនេះ នាងក៏បាននិយាយថា៖ «មានតែការស្រលាញ់ខ្លួនឯង ទើបអាចធ្វើឲ្យយើងសប្បាយចិត្ត។ អរគុណអ្នកក្បត់ ដែលរួមរស់ជាមួយគ្នា អស់រយៈពេល៤ឆ្នាំ»។
ក្រោយពីរឿងរ៉ាវរបស់នាង ត្រូវបានផ្សព្វផ្សាយជាសាធារណៈ ក៏មានមនុស្សជាច្រើនចូលមកសរសើរ និងផ្តល់កម្លាំងចិត្តដល់នាងថា៖ «ពេលអ្នកស្អាត អ្វីៗនឹងប្រសើរឡើង!, សូមឲ្យជួបមនុស្សដែលត្រឹមត្រូវ ហើយអ្នកនឹងកាន់តែស្រស់ស្អាត, ត្រូវគិតថា នឹងមានមនុស្សស្រលាញ់ស្មោះនឹងអ្នកដែរ សំខាន់បំផុត កុំផ្តល់ក្តីស្រលាញ់ដល់មនុស្សដែលមិនសក្តិសម!»៕ រក្សាសិទ្ធិដោយ៖ លឹម ហុង
