ក្នុងនាមជាស្រីស្អាតកែភេទ ដែលធ្លាប់មានជីវិតអាពាហ៍ពិពាហ៍ដ៏រីករាយបំផុត នៅប្រទេសវៀតណាម នាង Lam Khanh Chi ទទួលបានការកោតសរសើរយ៉ាងខ្លាំង ពីមនុស្សជាច្រើន។ ប៉ុន្តែនៅឆ្នាំ ២០២២2 នាង Lam Khanh Chi ស្រាប់តែប្រកាសលែងលះពីអតីតស្វាមីឈ្មោះ Phi Hung ហើយចាប់ផ្តើមជីវិតនៅលីវចិញ្ចឹមកូន។ តែទោះជាយ៉ាងណា បន្ទាប់ពីការលែងលះ ជីវិតរបស់ម្តាយ និងកូនប្រុសមួយនេះ ក៏មានការផ្លាស់ប្តូរច្រើនផងដែរ។ ជាក់ស្តែអ មកទល់ពេលនេះអ្វីៗហាក់ដូចជាប្រសើរជាងមុនឆ្ងាយតែម្តង។
Lam Khanh Chi បាននិយាយថា ជីវិតរបស់នាងបន្ទាប់ពីការលែងលះ ហាក់បីដូចជារវល់ជាប់នឹងការងារ និងយកចិត្តទុកដាក់ចំពោះកូនតែប៉ុណ្ណោះ។ នាងផ្តោតច្រើនលើការធ្វើជំនួញ ការលក់បន្តផ្ទាល់ ឬទៅចូលរួមកម្មវិធីនានា ដើម្បីមានប្រាក់សម្រាប់ផ្គត់ផ្គង់ជីវិត និងចិញ្ចឹមកូន។ បន្ទាប់មក រាល់ពេលទំនេរ នាងតែងចំណាយពេលជាមួយកូនប្រុស។ Lam Khanh Chi បាននិយាយថា «កូនត្រូវបានចិញ្ចឹមដោយខ្ញុំ ខ្ញុំមានលុយគ្រប់គ្រាន់ ដើម្បីផ្តល់ជីវិតល្អដល់គាត់ ខ្ញុំមិនទទួលយកការឧបត្ថម្ភពីអតីតប្តីរបស់ខ្ញុំទេ ប្រសិនបើ Phi Hung ចង់ទៅលេងកូនប្រុសគាត់ ហើយយកគាត់ចេញពីរបីថ្ងៃ វាមិនមែនបញ្ហានោះទេ»។
ក្នុងរូបថតចុងក្រោយនេះ Lam Khanh Chi បានបង្ហាញថា នាងកំពុងធ្វើដំណើរកម្សាន្តជាមួយកូនប្រុស នៅឯកន្លែងទេសចរណ៍ Da Lat។ ម្តាយគឺស្រស់ស្អាតដូចព្រះនាងនៅក្នុងរ៉ូបពណ៌ស និងការតុបតែងស្រាល ខណៈកូនប្រុសរបស់នាង មានទឹកមុខគួរឱ្យស្រលាញ់ សុភាព ហើយតែងតែបង្ហាញក្តីស្រលាញ់ចំពោះម្តាយរបស់គេទៀតផង។
គេបានដឹងថា ក្រោយលែងលះ ក្រៅពីមើលថែកូនប្រុស ផ្តោតលើការរកស៊ី អ្នកម្តាយនៅលីវ Lam Khanh Chi ក៏បានចំណាយប្រាក់យ៉ាងច្រើន ដើម្បីស្តារសម្រស់ឡើងវិញ។ ក្នុងវ័យ ៤៦ ឆ្នាំ Lam Khanh Chi បានបង្ហើបថា ខ្លួនបានចំណាយប្រាក់ ២ ពាន់លានដុង (ស្មើជាង ៨ ម៉ឺនដុល្លារ) ដើម្បីកែសម្ផស្សកន្លែងខ្លះ ក៏ដូចជាការវះកាត់លើខ្សែសំលេង ដើម្បីឱ្យមានសម្លេងស្រីជាងមុន។ នាងសង្ឃឹមថា នឹងមានភាពល្អឥតខ្ចោះ 100% នៅក្នុងរូបរាង និងសំឡេងរបស់នារីពិត បន្ទាប់ពីនាងកែភេទជាច្រើនឆ្នាំ។
លើសពីនេះ ម្តាយទោលរូបនេះ ក៏បានសារភាពថា នាងមានអ្នកតាមស្រលាញ់ចំនួន ៣ នាក់ ផងដែរ។ ក្នុងនោះ ម្នាក់ជាជនជាតិអាមេរិកាំង នៅបរទេស និង២ម្នាក់ទៀតជាអចលនៈទ្រព្យ និងជាអ្នកជំនួញ ប៉ុន្តែ នាងសូមរក្សាការសម្ងាត់សិន។ ទោះជាយ៉ាងណា នាងនឹងសម្រេចចិត្តជ្រើសរើសនរណាម្នាក់ដើម្បីធ្វើជាគូអនាគតបន្តទៀត ប្រសិនបើអ្វីៗដំណើរការល្អ។
នាងក៏បញ្ជាក់ថា នាងនៅលីវនៅឡើយ ហើយក៏បើកបេះដូងច្រើនជាងមុនផងដែរ ប៉ុន្តែ បានបង្ហើបថា នឹងជួបជុំជាមួយអតីតស្វាមីវិញ ប្រសិនបើមានឱកាស ដោយនាងបាននិយាយយ៉ាងដូច្នេះថា៖ «បើខ្ញុំមានឱកាសវិលមកវិញ ខ្ញុំនៅតែធ្វើ ព្រោះខ្ញុំជាប្ដីប្រពន្ធ រីឯរឿងអតីតកាល បានកន្លងមកយូរហើយ»។ ការព្រួយបារម្ភធំបំផុតរបស់នាង គឺកូនប្រុសរបស់នាង Thien Long ព្រោះនាងចង់ឲ្យកូនជួបជុំឪពុកវិញ៕ រក្សាសិទ្ធិដោយ៖ លឹម ហុង
