ក្នុងរយៈពេលប៉ុន្មានសប្តាហ៍កន្លងមកនេះ រូបភាពនិងវីដេអូ របស់ជនជាតិម៉ាឡេស៊ីមួយក្រុម ដែលហៅខ្លួនឯងថាជាគ្រូជោគជ័យ ឬជាពាណិជ្ជករផ្នែកហិរញ្ញវត្ថុ បានល្បីយ៉ាងខ្លាំងនៅលើបណ្តាញសង្គម TikTok ក្រោយពីបានបង្ហាញពីរបៀបរស់នៅដ៏ប្រណិត និងទាន់សម័យរបស់ពួកគេ។
តាមឃ្លីបនីមួយៗ ពួកគេបានបង្អួតលុយទាំងបាច់ៗ បើកឡានទំនើប ឬសូម្បីតែជិះយន្តហោះឯកជន អះអាងថានឹងធ្វើដំណើរទៅកាន់តំបន់ផ្សេងៗនៃពិភពលោក ហើយនិយាយថា ប្រសិនបើចង់ដឹងពីវិធីជោគជ័យងាយៗ សូមអ្នកផ្សេងចូលរួមជាមួយពួកគេទៅ។
ទោះជាយ៉ាងណា អ្វីៗអាចនឹងមិនដូចដែលអ្នកគ្រប់គ្នាមើលឃើញនោះទេ។ ជាក់ស្តែង ក្រោយក្រុមមនុស្សទាំងនោះ ដែលអះអាងថាជាពាណិជ្ជករអាជីព បង្ហាញខ្លួនដោយមានទំនុកចិត្តលើយន្តហោះឯកជន ដើម្បីបញ្ចុះបញ្ចូលអ្នកដទៃឲ្យចូលរួមបែបនេះ ក៏ស្រាប់តែអ្នកប្រើ TikTok ម្នាក់ដែលមានប្រាជ្ញាវ័យឆ្លាត បានចាប់ផ្ដើមកត់សម្គាល់ និងធ្វើឃ្លីបដើម្បីបង្ហាញឲ្យគ្រប់គ្នាបានដឹងពីល្បិចរបស់ពួកគេ។
កាលពីថ្ងៃទី២៨ ខែមិថុនា ឆ្នាំ ២០២៣ គេហទំព័រ MSNEWS បានរាយការណ៍ថា អ្នកប្រើប្រាស់ TikTok ម្នាក់ បានចេញឃ្លីបមួយដែលបង្ហាញថា តាមពិតទៅ មនុស្សទាំងនេះកំពុងជួលយន្តហោះដែលមិនប្រើប្រាស់ជាមួយគ្នា ក្នុងគោលបំណងបង្អួត ដោយបានកាត់រូបភាពពីឃ្លីបរបស់មនុស្សម្នាក់ៗ មកផ្គុំគ្នា ដើម្បីបង្ហាញឲ្យឃើញច្បាស់ថា យន្តហោះដែលមនុស្សទាំងនោះឡើងជិះ គឺជាយន្តហោះដូចគ្នា។
ជាមួយគ្នានោះ ម្ចាស់គណនីនោះ ក៏បានបញ្ជាក់ឲ្យដឹងថា «សព្វថ្ងៃ អ្នកមានជួលយន្តហោះដើម្បីចែករំលែកថតរូបជាមួយគ្នា តើមានដឹងទេ?»។
វីដេអូឃ្លីបនេះ បានរីករាលដាលដោយមានអ្នកចូលមើលរាប់លានដង។ អ្នកប្រើប្រាស់ TikTok នោះក៏បានចេញឃ្លីបវគ្គបន្ត ដោយបញ្ជាក់ថា យន្តហោះដដែលនេះ ក៏ត្រូវបានប្រើប្រាស់ដោយបុរសម្នាក់ដែលអះអាងថា ជាស្ថាបនិកក្រុមហ៊ុនគ្រឿងសម្អាងផងដែរ។
គាត់បានចង្អុលបង្ហាញថា ក្រុមទាំងនេះពិតជាបានជួលយន្តហោះដូចគ្នាមែន ដើម្បីបង្កើតខ្លឹមសារជាមួយនឹងគោលបំណងទីផ្សារ ដើម្បីទាក់ទាញមនុស្សឱ្យចូលរួមវគ្គបណ្តុះបណ្តាលហិរញ្ញវត្ថុ និងទិញផលិតផលពីពួកគេ។
អ្វីកាន់តែច្បាស់ទៀតនោះ អ្នកប្រើប្រាស់ TikTok ឈ្មោះ MrTurboProp ដែលជាអ្នកបើកយន្តហោះ ក៏បានជីកយកព័ត៌មានលេចធ្លាយមួយទៀត បន្ទាប់បានរកឃើញថា យន្តហោះដែលប្រើក្នុងឃ្លីបទាំងនោះមានចុះបញ្ជីលេខ N888FJ ហើយការស្វែងរករបស់ Flightrader 24 បានបង្ហាញថា យន្តហោះនេះមិនត្រូវបានហោះហើរទៅណាទេ នៅក្នុងរយៈពេលប៉ុន្មានខែមកនេះ។ ការធ្វើដំណើរចុងក្រោយបំផុតរបស់វា គឺនៅថ្ងៃទី២១ ខែកុម្ភៈ ដូច្នេះច្បាស់ណាស់ថា យន្តហោះនេះទើបតែជួលដោយអ្នកកំលោះម្នាក់នោះ ដើម្បីថតឃ្លីបបង្អួតភាពទាក់ទាញនេះប៉ុណ្ណោះ៕ រក្សាសិទ្ធិដោយ៖ លឹម ហុង
@user_error2021 KANTOI…Fighter la sangat..sewa kapal terbang sama2 lpastu rmai2 shoot, dah la kapal terbang tu xterbang pun…lg 1 yg pegi mall space u8 tu buat ape? Dlm tu ade mr diy je 😂😂
♬ original sound – Unknown – Kaki Komen ✍️
@user_error2021 Replying to @hisukeeeeᡕᠵ᠊ᡃ່࡚ࠢ࠘ ⸝່ࠡࠣ᠊߯᠆ࠣ࠘ᡁࠣ࠘ ♬ original sound – Unknown – Kaki Komen ✍️
@mrturboprop Keluar masuk keluar masuk hangar, see see sampai Penang..pergh. #trader #bombardier #challenger #forex #ib #affiliate #jutawan #edutok #learnontiktok ♬ Funny video "Carmen Prelude" Arranging weakness(836530) – yo suzuki(akisai)