អ្នកប្រើប្រាស់បណ្តាញសង្គម នៅក្នុងប្រទេសម៉ាឡេស៊ី ពិតជាមានការភ្ញាក់ផ្អើល និងងឿងឆ្ងល់យ៉ាងខ្លាំង ចំពោះវីដេអូកំពុងល្បីមួយ ដែលបង្ហាញទិដ្ឋភាពដ៏រន្ធត់ គ្រាដែលម៉ូតូក្មេងស្ទាវម្នាក់ ខណៈកំពុងជិះសុខៗ ស្រាប់តែហោះឡើងលើធ្លោ ដូចមានអ្វីមកទាញអ៊ីចឹង។
តាមរយៈវីដេអូ មានរយៈពេល ៣៦ វិនាទី ដែលត្រូវបានបង្ហោះដោយគណនី Twitter ឈ្មោះ Abudalsagoff នៅថ្ងៃទី២៧ ខែមិថុនា ឆ្នាំ២០២៣ បានបង្ហាញក្មេងស្ទាវមួយក្រុម ដែលគេជឿថា ជាក្រុមបង្ហោះម៉ូតូ បាននាំគ្នាជិះប្រសាចពេញផ្លូវតែម្តង។ តែអ្វីដែលមិននឹកស្មានដល់នោះ គឺបន្ទាប់ស្ទាវម្នាក់បើកម៉ូតូឆ្លងកាត់ពីមុខអ្នកថតវីដេអូ ស្រាប់តែ «ហើរ» ទាំងម៉ូតូទាំងមនុស្ស ក្រឡាប់ផ្ងារដ៏រន្ធត់។
ក្រោយពីបានឃើញវីដេអូនេះ អ្នកនិយមលេងអ៊ីនធឺណែតជាច្រើន ពិតជាមានការងឿងឆ្ងល់ជាខ្លាំង ចំពោះអ្វីដែលបានកើតឡើងពិតប្រាកដ ថាតើវា «ហោះ» បានយ៉ាងដូចម្តេចទៅ!?។ ខណៈអ្នកខ្លះ បាននិយាយលេងសើចថា មូលហេតុដោយសារក្មេងស្ទាវនោះជិះបុក «ខ្មោច»!។
តែទន្ទឹមនឹងនោះ អ្នកលេងមួយចំនួន ក៏បានធ្វើការសន្និដ្ឋានចំពោះឧបទ្ទវហេតុនេះ ដោយលើកឡើងតាមការយល់ឃើញហាក់សមហេតុផលយ៉ាងដូច្នេះថា ប្រហែលដោយសារកង់មុខរបូត ខណៈកំពុងជិះ ហើយវាបានបុកនឹងកង់ក្រោយ ទើបបណ្តាលឲ្យហោះក្រឡាប់ផ្ងារបែបនេះតែម្តងទៅ។
ទោះជាយ៉ាងណា ក៏មានមតិអ្នកដទៃទៀត បានរិះគន់ក្រុមក្មេងស្ទាវទាំងនោះ ដែលបែរជានាំគ្នាសើច និងជិះចោល ដោយទុកឲ្យមិត្តភ័ក្តិរបស់ខ្លួន ដេកដួលនៅលើដី មិននាំគ្នាជួយសង្គ្រោះបន្ទាន់នោះទេ៕ រក្សាសិទ្ធិដោយ៖ លឹម ហុង
Kemalangan tiba-tiba. Korang rasa sebab apa? Ada komen bagitau sebab dia terlanggar saka tengah jalan pic.twitter.com/YynzBj4O5q
— Abudi Alsagoff (@AbudiAlsagoff) June 27, 2023