ដូចដែលបានដឹងហើយថា នៅរដូវភ្លៀងខែវស្សា គឺក្រៅពីត្រូវប្រយ័ត្នពីជំងឺអាសន្នរោគផ្សេងៗ នោះរឿងមួយទៀត ដែលត្រូវប្រុងប្រយ័ត្ន គឺមិនគួរស្ថិតនៅទីធ្លាកណ្តាលវាល ពេលមេឃរកកលភ្លៀងនោះទេ ព្រោះ វានឹងក្លាយជាចំណុចដែលអាចត្រូវរន្ទះបាញ់ស្លាប់យ៉ាងងាយ។ ជាក់ស្តែង ដូចករណីក្នុងវីដេអូនេះ ទាំងមនុស្សទាំងឆ្កែ រត់ព្រលឹងចុងសក់ ជីវិតអ្នកណាអ្នកហ្នឹងហើយ បន្ទាប់ពីរន្ទះបាញ់ចំកន្លែងពួកគេកំពុងធ្វើការកណ្តាលវាល។
នេះបើតាមគណនី TikTok ជាជនជាតិថៃម្នាក់ នៅថ្ងៃទី៦ ខែកក្កដា ឆ្នាំ ២០២៣ នេះ បានបញ្ចេញវីដេអូពីកាមេរ៉ាឃ្លាំមើលនៅក្នុងផ្ទះរបស់ខ្លួន ដែលថតរូបភាពនៅជ្រុងម្ខាងនៃដីវាលមួយនៅជាប់ផ្លូវ ខណៈឃើញមនុស្សមួយក្រុម កំពុងរៀបចំឆាកជាមួយគ្នា ហើយដែកក៏ត្រូវចាប់ផ្តើមតំឡើង។ ពួកគេបានធ្វើការជាធម្មតាទៅតាមភារកិច្ចរបស់ខ្លួន។
ទោះជាយ៉ាងណា រំពេចនោះ ស្រាប់តែផ្គរលាន់គ្រហឹម ហើយផ្លេកបន្ទោរភ្លឺឡើងព្រាក រន្ទះបាញ់ក្ឌាំងតែម្តង ហើយភ្លាមៗនោះ ក្នុងរូបភាពមានពន្លឺចម្លែកមួយបានឆាបឆេះមួយវិនាទី ធ្វើឱ្យអ្នកធ្វើការមានការភ្ញាក់ផ្អើលជាខ្លាំង ប៉ុន្តែអ្វីដែលគួរឲ្យរន្ធត់ជាងនេះទៅទៀតនោះ គឺថាសូម្បីតែឆ្កែក៏ដឹងថានេះមិនមែនជារន្ទះធម្មតានោះទេ ដែលអាចនឹងធ្វើឲ្យស្លាប់បាន ដូច្នេះវាបានដឹងអ្វីៗអាចកើតឡើង ផ្អើលរត់ទាំងឆ្កែ ទាំងមនុស្សពេញវ័យ និងក្មេងៗ ចូលជ្រកក្នុងផ្ទះជាបន្តបន្ទាប់ទាំងព្រលឹងចុងសក់។
សំណាងល្អហើយ ដែលការងារនេះនៅតែបន្តធ្វើទាំងមេឃរកកលភ្លៀង បានធ្វើឲ្យអ្នករាល់គ្នាបានរួចផុតអាយុជីវិត និងគ្មានអ្នកណារងគ្រោះថ្នាក់៕ រក្សាសិទ្ធិដោយ៖ លឹម ហុង
@pittayawareesri #ฟ้าผ่าเปรี้ยง #ฟ้าผ่า #ฟ้าลง ♬ เสียงต้นฉบับ – คำมิกซ์ มิวสิค @Mahasarakham