នារីរូបស្អាតម្នាក់បានរងការវាយប្រហារដ៏ចម្លែក និងគួរឲ្យហួសចិត្តបំផុត ពីសំណាក់បុរសម្នាក់ ដែលបានដើរចូលមកទាត់នាង១ជើង និងថែម១កំភ្លៀងទៀតដោយគ្មានហេតុផល នៅពេលនាងឈប់នៅលើចិញ្ចើមផ្លូវមួយកន្លែង នៅក្នុងប្រទេសចិន ។
តាមរយៈវីដេអូឃ្លីប បានបង្ហាញឲ្យឃើញដំបូងឡើយ នារីរងគ្រោះបានកំពុងឈរមើលសត្វឆ្កែរបស់នាងជាប់នឹងដើមឈើ១ដើម នៅចុងចិញ្ចើមផ្លូវដើរ និងនៅពេលនោះ បុរសម្នាក់ក៏បានដើរចូលមកកាត់ពីខាងក្រោយនាង និងទាត់ប៉ែងជើងរបស់នាង១ជើងស្ទើរបាត់ជំហរ និងដើរចេញទៅ ។
ប៉ុន្តែ នៅពេលនាងប្រតិកម្មខឹង មិនដឹងថានិយាយទៅកាន់បុរសនោះយ៉ាងម៉េច…? ស្រាប់តែបុរសនេះវិលត្រឡប់មកវិញ និងចាប់ផ្តើមទះនាង១កំភ្លៀងទៀតយ៉ាងចាស់ដៃតែម្តង ។ វីដេអូឃ្លីបបានបញ្ចប់ត្រឹមនេះ ហើយគេក៏ពុំដឹងថា ស្ថានការណ៍បន្តប្រឈមមុខដាក់គ្នារវាងអ្នកទាំងពីរ នឹងក្លាយទៅជាយ៉ាងណានោះទេ!! ៕ ចន្ទី
