លោក Chen Jianzhou អតីត CEO នៃក្រុមបាល់បោះអាជីព PLG នៅតៃវ៉ាន់ បានប្រកាសថា លោកនឹងព្យួរតំណែងជា CEO ដោយសារតែមានការបៀតបៀនផ្លូវភេទ។ បន្ទាប់មក ខាងសម្ព័ន្ធ PLG ក៏បានសម្រេចចិត្តជំនួសនាយកយុទ្ធសាស្រ្តទីផ្សារលីកបច្ចុប្បន្នលោក Zhou Chongwei ជានាយកប្រតិបត្តិស្តីទីវិញ។ តែអ្វីដែលមិននឹកស្មានដល់នោះ គឺថ្ងៃទី៦ ខែកក្កដា ឆ្នាំ២០២៣ ស្រាប់តែអ្នកសារព័ត៌មានជាន់ខ្ពស់ម្នាក់ បានបង្ហោះវីដេអូបង្ហាញថា លោក Zhou Chongwei បានធ្វើសកម្មភាពបៀតបៀនផ្លូវភេទជាសាធារណៈ ទៅលើមេក្រុមស្រីស្អាត New Taipei Kings នៅក្នុង KTV ។
ទាក់ទងនឹងបញ្ហានេះ អ្នកសារព័ត៌មានជើងចាស់ Huang Yangming (Puji) ដែលបានបង្ហោះវីដេអូបែកធ្លាយ ចេញពីអ្នកលេងបណ្តាញសង្គមហ្វេសប៊ុកម្នាក់ បានរៀបរាប់ថា «ខ្ញុំបានឃើញស្រីស្អាតកំពុងច្រៀងនៅ KTV ហើយនៅពេលនោះ លោក Zhou Chongwei បានដើរលបៗពីក្រោយខ្នងដោយមានមីក្រូហ្វូននៅក្នុងដៃ និងចាប់ឱបភ្លាមៗ។ ប៉ុន្តែ រំភេចនោះ ស្រីស្អាតដែលរងការបៀតបៀន បានប្រតិកម្មរើបំរាស់ខ្លួនចេញយ៉ាងលឿន ដែលជាហេតុធ្វើឲ្យលោក Zhou Chongwei បញ្ឈប់សកម្មភាពរបស់ខ្លួន ហើយបន្តច្រៀងធ្វើដូចគ្មានរឿងអ្វីកើតឡើង»។
លោក Huang Yangming ក៏បានបង្ហើបថា អ្នកផ្តល់វីដេអូបានចង្អុលបង្ហាញថា មូលហេតុដែលការបៀតបៀនផ្លូវភេទ មិនត្រូវបានលាតត្រដាង គឺដោយសារតែលោក Chen Jianzhou បាននាំលោក Zhou Chongwei ទៅសុំទោសនារីរងគ្រោះបន្ទាប់ហេតុការណ៍កើតឡើង ហើយបញ្ហាទាំងមូលត្រូវបានទុកចោលតែម្តង។ ជាមួយនឹងទង្វើនេះ លោក Huang Yangming គ្មានជម្រើសអ្វីក្រៅពីនិយាយបែបនេះថា “អាចថាសម្ព័ន្ធភាពនេះប្រហែលមិនអាចស្វែងរកមនុស្សសមរម្យមកធ្វើជា CEO បានហើយមើលទៅ?”។
បន្ទាប់ពីវីដេអូនេះត្រូវបានលាតត្រដាង វាបង្កឲ្យមានការពិភាក្សាគ្នាយ៉ាងក្តៅគគុក ក្នុងចំណោមអ្នកនិយមលេងអ៊ីនធឺណេត។ ក្នុងនោះ អ្នកលេងជាច្រើន បានសម្តែងការរិះគន់ ដោយលើកឡើងទាំងហួសចិត្តថា៖ “សូម្បីតែនាយកប្រតិបត្តិ ក៏ធ្វើរឿងដ៏អាម៉ាសបែបនេះ”, ហាក់ដូចជាមានអ្នកជំនួសម្នាក់ទៀតមែនទេ, មួយដំបងនេះ សើចរហូតដល់ស្លាប់, វាជាគំរូដ៏អាក្រក់ ដែលបន្សល់ទុកពីមួយជំនាន់ទៅមួយជំនាន់, យ៉ាប់ណាស់! មានមនុស្សមើលច្រើនណាស់ ហើយកាមេរ៉ាកំពុងថត តែរូបគេនៅតែហ៊ានធ្វើ, សូមដកចេញទៅ,…»។
ឆ្លើយតបនឹងបញ្ហានេះ សម្ព័ន្ធ PLG ក៏បានចេញសេចក្តីថ្លែងការណ៍មុននេះជាការឆ្លើយតប និងបញ្ជាក់ថា លទ្ធផលនឹងត្រូវបានផ្សព្វផ្សាយជាសាធារណៈឱ្យបានឆាប់ៗ តាមដែលអាចធ្វើទៅបាន៕ រក្សាសិទ្ធិដោយ៖ លឹម ហុង
