លទ្ធផលនៃជំនួបកំពូលរវាងប្រធានាធិបតីអាមេរិកDonald Trump និងសមភាគីរុស៊្សី Vladimir Putin នៅHelsinki ប្រទេសហ្វាំឡង់ ពុំបានធ្វើឱ្យកងកម្លាំងNATO ចុះខ្សោយឡើយ។ នេះបើតាមការសន្ឋិដ្ឋានរបស់អ្នកនាំពាក្យនាយករដ្ឋមន្រ្ដីអង់គ្លេស Theresa May លើកឡើងកាលពីថ្ងៃ១៧ខែកក្កដា។
ប្រធានាធិបតីអាមេរិក Donald Trump និងលោក Vladimir Putin
គួររំលឹកឡើងវិញថា នៅថ្ងៃទី១៦កក្កដាកន្លងមក ប្រធានាធិបតីTrumpបានប្រកាសថា ចំណងទាក់ទងរុស៊្សី-អាមេរិកត្រូវបានកែសម្រួលតាមរយៈសន្និសីទកំពូល ហើយជំនួបរបស់លោកជាមួយលោកពូទីន ជាការចាប់ផ្ដើមនូវមាគ៌ាចរចាខ្លាំងក្លាជាងមុនជាមួយរុស៊្សី។មជ្ឍដ្ឋានអ្នកវិភាគវិញសន្និដ្ឋានថា លទ្ធផលនៃសន្និសីទកំពូលរុស៊្សី-អាមេរិកបានធ្វើឱ្យបណ្ដាប្រទេសទ្វីបអឺរ៉ុប«អង្គុយពុំសុខ»នោះទេ។
មុននោះ ក្រោយពេលដែលវិមានក្រឹមឡាំងនិងសេតវិមានប្រកាសជាផ្លូវការអំពីទីកន្លែងនិងពេលវាប្រព្រឹត្ដទៅនៃសន្និសីទកំពូល អគ្គលេខាNATO លោកJens Stoltenberg បានសម្ដែងការស្វាគមន៍។ តាមលោកនោះ កិច្ចដំណើរការជំនួបកំពូលសមស្របជាមួយ គោលនយោបាយណាតូ តែរក្សាការចរចាជាមួយរុស៊្សី ហើយនៅតែបន្ដធានាសក្ដានុពលយោធា៕
សូយន