ភ្នំពេញ៖ បញ្ជាការដ្ឋានកងពលតូចថ្មើរជើងលេខ៧០ គាំទ្រសាលដីកាតុលាការកំពូលរំលាយគណបក្សសង្គ្រោះជាតិ និងផ្អាកសកម្មភាពនយោបាយរយៈពេល៥ឆ្នាំ ចំពោះថ្នាក់ដឹកនាំគណបក្សសង្គ្រោះជាតិ ចំនួន១១៨រូប និងទោសកំហុសនៃអំពើក្បត់ជាតិរបស់គណបក្សមួយនេះបានប្រព្រឹត្ត។
នៅក្នុងញ្ញត្តិគាំទ្ររបស់បញ្ជាការដ្ឋានកងពលតូចថ្មើរជើងលេខ៧០ បានសរសេរយ៉ាងដូច្នេះថា “យើងខ្ញុំទាំងអស់គ្នា ជាមេបញ្ជាការ មេបញ្ជាការរង នាយទាហាន នាយទាហានរង និងពលទាហាន ទាំងអស់នៃកងពលតូចថ្មើរជើងលេខ៧០ សូមគាំទ្រយ៉ាងពេញទំហឹង ចំពោះសាលដីការស្ថាពររបស់តុលាការ កំពូលនាថ្ងៃទី១៦ ខែវិច្ឆិកា ឆ្នាំ២០១៧ ស្តីពីការកាត់ទោស រំលាយគណបក្សសង្គ្រោះជាតិ និងផ្អាកសកម្មភាពនយោបាយរយៈពេល៥ឆ្នាំចំពោះថ្នាក់ដឹកនាំគណបក្សសង្គ្រោះជាតិចំនួន១១៨រូប និងសូមចាត់ទុកសាលដីកាស្ថាពរនេះថាពិតជាយុត្តិធម៌សមនឹងទោសកំហុសនៃអំពើក្បត់ជាតិរបស់គណបក្សមួយនេះបានប្រព្រឹត្ត ។
យើងខ្ញុំទាំងអស់គ្នា ក៏សូមថ្កោលទោសយ៉ាងដាច់អហង្ការចំពោះទង្វើក្បត់ជាតិរបស់គណបក្សសង្គ្រោះជាតិ ដែលឃុបឃិតជាមួយ បរទេសប៉ុនប៉ងផ្តួលរំលំរាជរដ្ឋាភិបាលស្របច្បាប់ តាមរយៈការធ្វើបដិវត្តន៍ពណ៌នៅកម្ពុជានេះ ។
យើងខ្ញុំទាំងអស់គ្នា ជាមេបញ្ជាការ មេបញ្ជាការរង នាយទាហាន នាយទាហានរង និងពលទាហាន ទាំងអស់នៃកងពលតូចថ្មើរជើងលេខ៧០ ក៏សូមបន្តប្តេជ្ញាការពារប្រជាពលរដ្ឋ ការពារសម្តេចតេជោនាយករដ្ឋមន្ត្រី ដែលជាប្រមុខដឹកនាំរាជរដ្ឋាភិបាលស្របច្បាប់ ការពាររដ្ឋធម្មនុញ្ញ និងការពារអធិបតេយ្យភាពជាតិមិនឲ្យមានជនណាមួយមកបំផ្លិចបំផ្លាញប្រទេសជាតិដែលកំពុងមានសន្តិភាព ស្ថិរភាពនយោបាយដឹកនាំដោយសម្តេចអគ្គមហាសេនាបតីតេជោហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា និងក៏សូមគាំទ្រឲ្យសម្តេចបន្តការដឹកនាំប្រទេសជាតិដើម្បីភាពសុខក្សេមក្សាន្តរបស់ប្រជាពលរដ្ឋរៀងរហូតតទៅផងដែរ “៕
