ក្មេងស្រីម្នាក់បានរងរបួសយ៉ាងដំណំ បន្ទាប់ពីក្បាលរបស់នាងបានប៉ះទង្គិចរវាងបង្កាន់ដៃ និងជញ្ជាំង ខណៈនាងកំពុងជិះជណ្តើរយន្ត ដោយពុំយកចិត្តទុកដាក់ពីគ្រោះថ្នាក់ នៅក្នុងផ្សារទំនើបមួយកន្លែង ស្ថិតនៅភាគឦសាននៃប្រទេសចិន ។
ក្នុងវីដេអូកាមេរ៉ាឃ្លាំមើល ក្មេងស្រីម្នាក់ខណៈកំពុងជិះជណ្តើរយន្ត នៅពេលនោះ គេបានឃើញនាងឈរទ្រោបលើបង្កាន់ដៃខាងឆ្វេង សម្លឹងមើលទិដ្ឋភាពខាងក្រោម ដោយពុំខ្វល់នឹងអ្វីៗដែលអាចបង្កឲ្យមានគ្រោះថ្នាក់នៅខាងមុខ និងសូម្បីចំណុចចុងបញ្ចប់របស់ជណ្តើរយន្តទេ ។
ខណៈពេលនោះផងដែរ ស្ត្រីម្នាក់ប្រហែលជាម្តាយ និងកូនប្រុស ដែលបានជិះទៅមុន បានបង្ហាញអារម្មណ៍តក់ស្លុតជាខ្លាំង នៅពេលពួកគេឃើញនាងជិះលើជណ្តើរយន្តរបៀបនេះ ។ ជាការពិតណាស់ ការព្រួយបារម្ភរបស់ពួកគេពុំបានប៉ុន្មានផង ស្រាប់តែក្មេងស្រីនោះ ដែលពុំចាប់អារម្មណ៍នឹងជញ្ជាំងខាងលើ ជាហេតុធ្វើឲ្យក្បាលរបស់នាងត្រូវប៉ះទង្គិចវាយ៉ាងធ្ងន់ធ្ងរតែម្តង ។
ប៉ុន្តែ សំណាងហើយ ដែលក្មេងស្រីនេះបានគ្រប់គ្រង គ្រលាស់ក្បាលដោយខ្លួនឯង ចេញផុតពីគ្រោះថ្នាក់ថ្នាក់ ។
នាងបន្ទាប់មក ត្រូវបានឃើញស្រែកយំដោយឈឺចុកចាប់បំផុត ខណៈយកដៃក្តោបក្បាលរបស់នាងចំហៀងខាងស្តាំដែលមានហូរឈាម ។
ទោះយ៉ាងណា ក្មេងស្រីនេះពុំត្រូវបានគេស្គាល់អត្តសញ្ញាណទេ ហើយគេក៏ពុំដឹងថាតើនាងនឹងត្រូវបានទទួលការព្យាបាលរបួស ឬ យ៉ាងណានោះទេ បន្ទាប់ជួបហេតុការណ៍ដ៏រន្ធត់នេះ ៕ ឧត្តម (ប្រភព៖ nextshark)
