ថ្មីៗនេះ មានហេតុការណ៍ផ្ទុះការភ្ញាក់ផ្អើល និងគួរឲ្យហួសចិត្តយ៉ាងខ្លាំង ខណៈសង្ឃវ័យក្មេងមួយអង្គ នៅក្នុងវត្តមួយកន្លែងក្នុងខេត្ត Khon Kaen ប្រទេសថៃ ត្រូវបានអ្នកស្រុកលាតត្រដាងថា សង្ឃរូបនេះបានពាក់អាវទ្រនាប់ក្លែងខ្លួនជាស្ត្រី ធ្វើពេស្យាចារក្នុងវត្ត ដោយផ្តល់សេវាផ្លូវភេទដល់ព្រះសង្ឃជាច្រើន និងសូម្បីលួចចេញទៅសប្បាយក្នុងក្លឹបរាត្រីទៀតផង។
នេះបើតាមទំព័រហ្វេសប៊ុកមួយឈ្មោះថា Eso crush news 2 បានចែករំលែករូបភាពសង្ឃវ័យមួយក្រុមនៅក្នុងបន្ទប់ ក្នុងនោះសង្ឃម្នាក់ លើកក្រណាត់ពណ៌ខ្មៅ ទំនងជាអាវទ្រនាប់ដាក់ផ្អឹបនឹងទ្រូង ដោយភ្ជាប់ Caption យ៉ាងដូច្នេះថា «ស្លៀកពាក់តែងខ្លួនជាស្រី លួចចេញរកស៊ី ដើរប្រមាញ់ប្រុសៗ «បោសសម្អាត» ទាំងលោកនេនៗ និងសង្ឃមួយចំនួននៅក្នុងវត្ត ពិតជាគួរឲ្យហួសចិត្តយ៉ាងខ្លាំង!។ ទង្វើនេះ អាចារ្យទាំងអស់បានដឹង ប៉ុន្តែនៅតែរក្សាភាពស្ងៀមស្ងាត់ បើទោះជាមានការត្អូញត្អែរពីអ្នកភូមិក៏ដោយ។ សូម្បីកូនចៅក្នុងវត្តក៏ងឿងឆ្ងល់ថា ហេតុអ្វីបានជាមិនចាត់វិធានការ…»។
យោងតាម Thaiger, ប៉ុស្តិ៍លេខ ៣ បានសម្ភាសន៍អ្នកស្រុកដែលរស់នៅក្បែរវត្ត បានបញ្ចេញឲ្យដឹងថា សង្ឃវ័យក្មេងរូបនេះ គឺតែងតែស្លៀកពាក់ធ្វើជាមនុស្សស្រីនៅពេលយប់ ហើយចេញពីវត្តទៅជប់លៀងក្នុងក្លឹបរាត្រី។ រូបគេក៏បានរួមភេទជាមួយនឹងលោកនេន និងព្រះសង្ឃដទៃទៀតនៅក្នុងព្រះវិហារដោយឥតគិតថ្លៃ និងដើម្បីប្រាក់ផងដែរ។
ទោះជាយ៉ាងណា បច្ចុប្បន្ន ការិយាល័យពុទ្ធសាសនាជាតិថៃ មិនទាន់មានការឆ្លើយតប ឬចាត់វិធានការណាមួយ ដើម្បីឆ្លើយតបនឹងបញ្ហានេះទេ ខណៈវត្តនៅមិនទាន់បញ្ចេញឈ្មោះនៅឡើយ។ តែទន្ទឹមនឹងនេះ សង្ឃរងការចោទប្រកាន់ បានបដិសេធថា រូបគេពុំបានធ្វើរឿងបំពានច្បាប់ព្រះពុទ្ធសាសនាថៃនោះទេ៕ រក្សាសិទ្ធិដោយ៖ លឹម ហុង
