នេះជារឿងដ៏ភ្ញាក់ផ្អើល ខណៈដែលបុរសម្នាក់បានចូលទៅក្នុងព្រៃដីចម្ការ ស្រាប់តែប្រទះឃើញ «ជើងកូនក្មេង» ផុសសចេញពីក្នុងទឹក ហើយគាត់សឹងតែទូរស័ព្ទហៅប៉ូលិស មុនពេលសម្រេចធ្វើរឿងនេះដោយផ្ទាល់ ដើម្បីចង់ដឹងការពិត ទាំងអារម្មណ៍ភ័យខ្លាចយ៉ាងខ្លាំង។
នេះបើតាមគណនី TikTok ឈ្មោះ banglaon នៅថ្ងៃទី២១ ខែសីហា ឆ្នាំ២០២៣ បានបង្ហោះវីដេអូឃ្លីបនៃជើងទារកដ៏អាថ៌កំបាំងនោះ ដែលបានផុសចេញពីទឹកប្រឡាយ ក្នុងចំការដូង ដោយបានរៀបរាប់យ៉ាងដូច្នេះថា៖ «ដំបូង ខ្ញុំពិតជាមានការភ្ញាក់ផ្អើលយ៉ាងខ្លាំង និងរៀបនឹងហៅសមត្ថកិច្ចមកពិនិត្យ។ ប៉ុន្តែ ដោយសារចង់ដឹង ក៏ចូលទៅពិនិត្យឲ្យជិត ស្រាប់តែរកឃើញពុំមានជាអ្វីដែលគ្រប់គ្នាគិតនោះទេ»។
ជាក់ស្តែង ក្នុងឃ្លីបនោះ អ្នកអាចមើលឃើញ បុរសនោះបានយកឈើមួយ ព្យាយាមកាវជើងកូនក្មេងនោះ ដើម្បីមើលឲ្យច្បាស់ និងរកឃើញដំបូង ស្ថានភាពជើងប្រែជាពណ៌ក្រម៉ៅ និងមានស្នាមជាំពេញខ្លួន។ ប៉ុន្តែ នៅពេលទាញមកកៀក តាមពិតគឺជាកូនក្មេង «តុក្កតាជ័រ» ប៉ុណ្ណោះ ដែលត្រូវបានគេបោះបង់ចោលនៅទីនេះ។
ក្រោយពីបានលឺបែបនេះ អ្នកលេងអ៊ីនធឺណិតជាច្រើនបានបញ្ចេញមតិទាំងអស់សំណើចថា៖ «ដំបូង ខ្ញុំខំតែភ្ញាក់ផ្អើល ដឹងអីជ័រសោះ, អ្នកណាគេ លេងសើចពេកហើយ, ជួបម្នាក់ឯងដឹងតែរត់ហើយ, សំណាងហើយ ចេះដឹងមុន កុំអីផ្អើលប៉ូលិស ហាសហា…»៕ រក្សាសិទ្ធិដោយ៖ លឹម ហុង
@banglaon ตกใจหมด😂😂😂#รีโว่อีกแล้วอ้อ🥰 #เด็กใต้เมืองชุมพร #สวนเรียนชุมพร #วัยรุ่นทุนน้อย ##่อย่าปิดการมองเห็นนะ ♬ เสียงต้นฉบับ – แบงค์ โลนิน