គូស្នេហ៍មួយគូ ត្រូវបានជួបគ្រោះមហាសែនស័យ ដោយត្រូវចោរ១ក្រុម ប្លន់ឡានទាំងកណ្តាលយប់។ តែអ្វីដែលភ្ញាក់ផ្អើលខ្លាំងនោះ គឺចោរទាំងនោះបានប្លន់ ខណៈពេលដែលពួកគេកំពុងតែ «មានអីៗនឹងគ្នា» នៅក្នុងរថយន្តយ៉ាងមានសេចក្តីសុខ ហើយត្រូវបាន «បណ្តេញ» ឲ្យចុះចេញទាំងខ្លួនប្រាណននលគកតែម្តង។
យោងតាមរបាយការណ៍របស់សារព័ត៌មាន China Press ខ្សែវីដេអូ CCTV នៃហេតុការណ៍នេះ បានបង្ហាញបុរសជាចោរ ៣ នាក់ បានចូលទៅជិតរថយន្ត១គ្រឿងដែលចតនៅចិញ្ចើមផ្លូវ ហើយក្នុងនោះ បុរស២នាក់ បានរត់ទៅបើកទ្វារខាងអ្នកបើកបរ និងអ្នកដំណើរ។ ប៉ុន្តែ ដោយសារមិនអាចបើករួច និងក្រឡេកឃើញខាងក្នុងរថយន្ត មានមនុស្ស ពួកគេក៏បានគោះផាំងៗ មុនពេលបើកទ្វារដោយបង្ខំ។
ក្រោយពីបើកទ្វាររថយន្តបានជោគជ័យ ក្រុមចោរក៏ទាញគូស្នេហ៍នោះចេញពីកៅអីក្រោយ ដែលត្រូវបានមើលឃើញទាំងអាក្រាតកាយ។
លើសពីនេះ ក្រុមចោរក៏បានគប់ខោអាវគូស្នេហ៍នេះទៅលើដី មុនពេលនាំគ្នាចូលក្នុងរថយន្ត រួចបើកចាកចេញយ៉ាងប្រញាប់ប្រញាល់ ដោយបន្សល់ទុកឲ្យគូស្នេហ៍នេះឈរមើលមុខគ្នានៅតាមផ្លូវទាំងស្រឡាំងកាំង និងបានត្រឹមនាំគ្នារើសខោអាវមកស្លៀកបិទបាំងកេរ្តិ៍ខ្មាសវិញប៉ុណ្ណោះ។
ផ្អែកលើរបាយការណ៍របស់កាសែត New York Post ហេតុការណ៍នេះ បានកើតឡើងនៅក្នុងប្រទេសប្រេស៊ីល កាលពីថ្ងៃទី១៧ ខែសីហា ឆ្នាំ២០២២៕ រក្សាសិទ្ធិដោយ៖ លឹម ហុង
ទស្សនាវីដេអូ=>(video)