កាលពីពេលថ្មីៗនេះ នៅលើបណ្តាញសង្គម ពិតមានការភ្ញាក់ផ្អើល និងហួសចិត្តខ្លាំងតែម្តង នៅពេលបានឃើញទិដ្ឋភាពដ៏មិននឹកស្មាន ដែលព្រះសង្ឃមួយអង្គ បានសម្រេចថតវីដេអូបើកបង្ហាញកញ្ចប់ទេយ្យទាន ដែលម្ចាស់ដើមបុណ្យបានប្រគេន ដើម្បីឲ្យញាតិញោមពុទ្ធបរិស័ទបានឃើញថា ក្នុងនោះគឺសុទ្ធតែជាគ្រឿងទេយ្យទានបោកប្រាស់ស្ទើរទាំងអស់។
តាមប្រភពវីដេអូបានឲ្យដឹងថា បន្ទាប់ពីនិមន្តមកពីសូត្រមន្តផ្ទះគ្រួសារមួយ ដោយមានការងឿងឆ្ងល់នឹងកញ្ចប់ទេយ្យទាន ដែលម្ចាស់ផ្ទះបានប្រគេន ហាក់ស្រាលចម្លែក ព្រះសង្ឃចំណាស់មួយអង្គ ក៏បានថតវីដេអូបើកបង្ហាញឲ្យញាតិញោមបានឃើញជាក់ស្តែង នៅចំពោះកាមេរ៉ា។ ពិតណាស់ អ្វីដែលមិននឹកស្មានដល់នោះ គឺថាស្ទើរគ្រប់គ្រឿងទេយទ្យទានដែលព្រះអង្គបានគាស់បង្ហាញ គឺមានតែសំបកទទេប៉ុណ្ណោះ។ ក្នុងនោះមានដូចជា សំបកប្រេងកូឡា សំបកថ្នាំដុសឆ្មេញ
ទាក់ទនឹងករណីគ្រឿងទេយ្យទានបោកប្រាស់ព្រះសង្ឃបែបនេះ ត្រូវបានគេជឿថា គឺច្បាស់ណាស់ជាទង្វើរបស់អ្នកលក់តែម្តង ដែលបានរៀបចំគ្រឿងបរិក្ខារសម្រាប់ព្រះសង្ឃជាកញ្ចប់ស្រាប់ៗ វាមិនមែនជាទង្វើរបស់ម្ចាស់ដើមទាននោះទេ ព្រោះថាឧបាសក ឧបាសិកាគ្រប់ៗរូប គឺតែងមានចិត្តជ្រះថ្លាប្រគេនគ្រឿងទេយ្យទានពិតៗ ដើម្បីឧទ្ទិសតាមរយៈព្រះសង្ឃបានដល់បុព្វការីជន មានមាតា បិតា ជីដូនជីតា ដែលបានចែកឋានរបស់ពួកគេ មិនមែនខំចំណាយធ្វើបុណ្យ ទទួលបានបាបបែបនេះនោះឡើយ។
ពិតណាស់ ក្រោយពីបានឃើញបែបនេះ មហាជនអ្នកលេងបណ្តាញសង្គម បានសម្តែងការហួសចិត្តថា៖ «ស្អីក៏មានដែរលោកអើយ, មនុស្សមួយចំនួនសម័យនេះ ឲ្យតែបានលុយ បុណ្យបាបគេមិនខ្វល់, នេះជាចេតនាតែម្តង អ្នកលក់មួយចំនួន លួចបន្លំ ពិតជាហួសចិត្ត ខ្ញុំក៏ធ្លាប់ទិញប៉ះអ៊ីចឹងដែរ,…»៕ រក្សាសិទ្ធិដោយ៖ លឹម ហុង
