ខេត្តស្វាយរៀង៖ ស្ត្រីម្នាក់បានបាត់ពីផ្ទះអស់រយៈពេល៣ថ្ងៃមកហើយ ត្រូវបានពលរដ្ឋប្រទះឃើញស្លាប់អណ្តែតក្នុងស្រះទឹកបង្កអោយមានការភ្ញាក់ផ្អើលដល់សមត្ថកិច្ចចុះដើម្បីពិនិត្យមើល។
ហេតុការណ៍ប្រទះឃើញសពនេះបានកើតឡើងកាលពីវេលាម៉ោង១២និង៣០នាទី ថ្ងៃត្រង់ថ្ងៃទី២១ ខែកក្កដា ឆ្នាំ២០១៨ នៅចំណុចភូមិ បាត់ថង់់ ឃំុ គគីសោម ស្រុក ស្វាយទាប ខេត្តស្វាយរៀង។
បើយោងតាមសមត្ថកិច្ចបានឲ្យដឹងថា ៖ ជនរងគ្រោះដែលបានលង់ទឹកស្លាប់នោះមានឈ្មោះ ស៊ុំ កាណូយ ភេទស្រី អាយុ41ឆ្នាំ រស់នៅភូមិ បាត់ថង់ ឃុំ គគីរសោម ស្រុក ស្វាយទាប ខេត្តស្វាយរៀង បានផឹកស្រាហើយដើរបាត់ពីផ្ទះអស់រយះពេល3ថ្ងៃមកហើយចាប់តាំងពីថ្ងៃទី១៩ខែកក្កដាឆ្នាំ២០១៨មិនដឹងទៅណានោះទេ។
ប្រភពដដែលបានបន្តទៀតថា៖បងប្អូនសាច់ញាតិខំដើររកតែរកមិនឃើញនោះទេលុះមកដល់ថ្ងៃទី២១ ខែកក្កដានេះ ស្រាប់តែមានប្រជាពលរដ្ឋប្រទះឃើញសពអណ្តែតក្នុងស្រះទឹកឡើងហើមទៅហើយសង្ស័យថាបានដើរធ្លាក់ទឹកស្រះលង់ស្លាប់តែម្តងទៅ។
បើតាមការធ្វើកោសល់វិច្ច័យរបស់គ្រូពេទ្យបង្អែកស្រុកស្វាយទាបនិងសមត្ថកិច្ចដែលបានទៅពិនិត្យលើសាកសពពុំមានស្លាកស្នាមអ្វីទេ គឺអាចសន្និដ្ឋានថាពិតជាលង់ទឹកស្លាប់ពិតមែន ។
បច្ចុប្បន្នសពត្រូវបានសមត្ថកិច្ចប្រគល់ជូនគ្រួសារយកទៅធ្វើបុណ្យតាមប្រពៃណី៕ វ៉ៃកូ
