Friday, June 21, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ព្រោះតែ​ទូរស័ព្ទ១គ្រឿង ស្រ្តី​ទេសចរ​ម្នាក់ បាន​ធ្លា-ក់​ទៅ​ក្នុង​ជ្រោះ​កម្ពស់ ៤០ ម៉ែត្រ ស្លា-ប់​យ៉ាង​អា​ណោ-ច​អា​ធ-ម

spot_img

ស្រ្តីជនជាតិចិនម្នាក់ បានធ្លាក់ចូលក្នុងជម្រោះកម្ពស់ ៤០ ម៉ែត្រ ស្លាប់យ៉ាងអាណោចអាធម បន្ទាប់ពីបានឡើងលើបង្កាន់ការពារហាមឃាត់ ដើម្បីរើសទូរស័ព្ទដែលបានជ្រុះនៅក្បែរមាត់ជ្រោះ ខណៈពេលនាងកំពុងថតរូប។ ហេតុការណ៍គ្រោះថ្នាក់ដ៏រន្ធត់នេះ បានកើតឡើងនៅទឹកធ្លាក់ Hou Xi ដ៏ល្បីល្បាញ ស្ថិតនៅក្នុងទីក្រុង Zhengzhou ខេត្ត Henan ប្រទេសចិន កាលពីថ្ងៃទី១១ ខែកញ្ញា ឆ្នាំ២០២៣។

គេហទំព័រ CTWANT បានរាយការណ៍ឲ្យដឹងថា ស្ត្រីម្នាក់ដែលមានត្រកូល Li បានធ្វើដំណើរទៅកាន់តំបន់នោះនៅលើកំពូលទឹកធ្លាក់ ដែលមានស្ពានមួយសម្រាប់មើលទឹកហូរកាត់។ នាងបានទៅថតរូបនៅទីនោះ មុន​ពេលជ្រុះ​ទូរសព្ទពី​ដៃ ​ធ្លាក់​ចូល​ទឹក​នៅ​កន្លែង​មិន​ឆ្ងាយ​ប៉ុន្មានក្បែរបង្កាន់ដៃ។

នៅលើ​ស្ពានទឹកហូរកាត់ មានរនាំង​ការពារមិន​ខ្ពស់​ពេកទេ ហើយ​មាន​ការ​ព្រមាន​ហាម​អ្នក​ទេសចរ​មិន​ឲ្យ​ឡើង​លើ​របង​នោះ​ឡើយ។ ប៉ុន្តែ​ស្ត្រី​រូបនេះហាក់​មាន​ទំនុក​ចិត្ត​ខ្លាំង​ពេក មិនគិតពីសុវត្ថិភាព នាង​ក៏បានឡើង​ផ្លោះរំលង ​ដើម្បីចុះទៅរើស​ទូរស័ព្ទ​របស់​នាងដោយគិតថាមិនមានរឿងអ្វីកើតឡើង។ ​ទោះជាយ៉ាងណា ​នាងស្រាប់តែ​បាត់បង់​ការ​គ្រប់គ្រងទប់​ជំហរ ហើយក៏រអិលធ្លាក់ចុះតាម​លំហូរ​នៃ​ទឹកជ្រោះ​ពីកម្ពស់ ៤០ ម៉ែត្រ ទៅក្នុងទឹកជ្រៅខាងក្រោមដ៏រន្ធត់។

អ្នកជួយសង្គ្រោះក្នុងតំបន់ត្រូវបានជូនដំណឹងអំពីឧបទ្ទវហេតុនេះ ហើយប្រញាប់ប្រញាល់ទៅជួយ។ យោងតាមរបាយការណ៍ ក្រុមអ្នកជួយសង្គ្រោះបានធ្វើការជួយសង្គ្រោះក្នុងរយៈពេលយ៉ាងលឿនតិចជាងមួយនាទី។ ប៉ុន្តែវាយឺតពេលទៅហើយ ព្រោះទឹក​នៅ​តំបន់​នោះ​មាន​ជម្រៅ​រហូតដល់​ទៅ​៨​ម៉ែត្រ ចំណែក​កន្លែង​សព​ជន​រង​គ្រោះ​មាន​ជម្រៅ​ប្រហែល​៣​ម៉ែត្រ។ ក្រោយ​ហេតុការណ៍​នេះ​ត្រូវ​បាន​គេ​ផ្សព្វផ្សាយ​តាម​ប្រព័ន្ធ​ផ្សព្វផ្សាយ​អនឡាញ វា​បាន​ក្លាយ​ជា​បញ្ហា​ដែល​ត្រូវ​បាន​​ពិភាក្សា​យ៉ាង​ទូលំទូលាយ។

មនុស្សជាច្រើនបាន​បញ្ចេញ​មតិ​លើកឡើងដូចគ្នាថា “នាងបានស្លាប់ដោយសារការធ្វេសប្រហែស, នាងមិនទទួលខុសត្រូវចំពោះសុវត្ថិភាពផ្ទាល់ខ្លួនរបស់នាង ជាលទ្ធផលគឺជៀសមិនរួចពីសោកនាដកម្មបែបនេះ»៕ រក្សាសិទ្ធិដោយ៖ លឹម ហុង

spot_img
×