តាមYonhap ចុះផ្សាយនៅថ្ងៃទី២២ខែកក្កដា ក្រសួងដីធ្លី ហេដ្ឋារចនាសម្ព័ន្ធនិងគមនាគមន៍កូរ៉េខាងត្បូងប្រកាសថា ខ្លួនកំពុងរៀបចំផែនការចាប់ផ្ដើមនីតិវិធីក្នុងស្រុកនៅឆ្នាំនេះ ផ្ដោតសំដៅលើគោលដៅតភ្ជាប់ខ្សែរថភ្លើងនិងថ្នល់ជាតិជាមួយកូរ៉េខាងជើងវិញ។
អនុរដ្ឋមន្ដ្រីគមនាគមន៍កូរ៉េខាងត្បូងKim Jeong-ryeo (ឆ្វេង)និងអនុរដ្ឋមន្ដ្រីក្រសួងផ្លូវដែកកូរ៉េខាងជើងKim Yun-hyo(ស្ដាំ)ក្នុងកិច្ចចរចាអំពីនីតិវិធីតភ្ជាប់ខ្សែរថភ្លើងរវាងកូរ៉េទាំងពីរ
ក្នុងរបាយការណ៍មួយដាក់ជូនរដ្ឋសភា ក្រសួងនេះបានពង្រាងផែនការដើម្បីអាចដំណើរការស្ដារចំណែកផ្លូវដែលរងការខូចខាតធ្ងន់ធ្ងរនៅកូរ៉េខាងត្បូងដែលរួមមានផ្លួវដែកប្រមាណ104,6km និងផ្លូវហាយវ៉េប្រវែង11,8km។ផែនការនេះធ្វើឡើងសំដៅសុំថវិកាក្នុងដំណាក់កាល៦ខែចុងឆ្នាំនេះ។
នេះគឺជាផ្នែកមួយស្ថិតក្នុងការងារត្រៀមបម្រុងសម្រាប់កិច្ចសហប្រតិបត្ដិការអន្ដរកូរ៉េទាំងស្រុងមួយ ត្រូវអនុវត្ដន៍ក្រោយពេល ដែលទណ្ឌកម្មលើកូរ៉េខាងជើងត្រូវបានអន្ដរជាតិលុបចោល។យ៉ាងនេះក្ដី កូរ៉េខាងត្បូងនឹងអនុវត្ដន៍ចំណាយការងារជួសជុលផ្លូវដែក ផ្លូវគោកនៅក្នុងប្រទេសខ្លួនជាមុន។
គួររម្លឹកថា ក្នុងជំនួបកំពូលអន្ដរកូរ៉េកាលពីខែមេសេកន្លងមក កូរ៉េខាងត្បូងនិងខាងជើងបានព្រមព្រៀងគ្នាជំរុញទំនើបកម្មនិងតភ្ជាប់ផ្លូវគោកនិងផ្លូវដែកឆ្លងកាត់ព្រំដែន៕
សូយន