តាមស្ថានីយទូរទស្សន៍រដ្ឋចិន CCTVថ្ងៃទី២២ខែកក្កដាឱ្យដឹងថា ព្យុះAmpi បានឆ្ពោះឡើងមកដល់មជ្ឈមណ្ឌលហិរញ្ញវត្ថុសៀងហៃវេលាថ្ងៃត្រង់ ហើយបានបង្កឱ្យមានភ្លៀងខ្លាំងនិងជះឥទ្ធិពលសម្មភាពដឹកជញ្ជូនផ្លូវអាកាស ផ្លូវគោកនិងផ្លូវទឹក។ជើងហោះហើរជាង៦០០ត្រូវបានលុបចោល ខណៈពេលដែលសេវាផ្លូវដែកល្បឿនលឿនក៏រងឥទ្ធពលផងដែរ។
នាវាកំពុងប្រមូលផ្ដុំនៅកំពង់ផែដើម្បីគេចចេញអំពីព្យុះAmpil
មុននោះរដ្ឋការទីក្រុងសៀងហៃបានធ្វើការជម្លៀសនិងផ្ដល់កន្លែងស្នាក់នៅបណ្ដោះអាសន្នដល់ពលរដ្ឋជាង190.000 នៅតំបន់ខាងកើតទីក្រុង ដើម្បីគេចចេញពីព្យុះ Ampil ។
ខណៈពេលនោះដែរ នៅខេត្តជឺជាំងនិងខេត្តជាំងស៊ូ, មនុស្សជាង42.500នាក់បានត្រូវជម្លៀស នាវាជាង28.000ត្រូវបានចូលមកសំចតនៅកំពង់ផែដើមបីគេចពីព្យុះ។
ក្នុងរយៈពេលថ្មីៗនេះ ព្យុះភ្លៀងបានបង្កការជន់លិចនិងបំផ្លាញពាសពេញប្រទេសចិននិងបង្ខំឱ្យមនុស្សរាប់សែននាក់ត្រូវជម្លៀសចេញទៅទីសុវត្ថិភាព៕
សូយន
