អ្នកនិយមលេងអ៊ីនធឺណេតជាច្រើន បានគិតថា បុរសចិនម្នាក់នេះពិតជាសំណាងណាស់ ព្រោះថាប្រសិនបើគាត់មិនក្រឡេកឃើញ និងរហ័សរហួនក្រោកចេញទាន់នៅពេលនោះទេ ហើយនៅតែសម្លឹងមើលទូរស័ព្ទ មិនដឹងថា នឹងមានអ្វីកើតឡើងចំពោះគាត់នោះទេ។
យោងតាមព័ត៌មានដែលបានបង្ហោះ ហេតុការណ៍ដ៏រន្ធត់ និងចាត់ទុកថាសំណាង១ក្នុង១ពាន់គ្រោះថ្នាក់នេះ បានកើតឡើងនៅទីក្រុង Ha Nguyen ខេត្ត Guangdong ប្រទេសចិន កាលពីល្ងាចថ្ងៃទី៨ ខែកញ្ញា គឺនៅពេលដែលបុរសម្នាក់ បានកំពុងអង្គុយលំហែរស្រស់ស្រាយអារម្មណ៍ ផឹកតែ និងលេងទូរស័ព្ទ នៅទីធ្លាខាងមុខផ្ទះរបស់គាត់។
តាមរយៈវីដេអូកាមេរ៉ាសុវត្ថិភាព បានបង្ហាញឲ្យឃើញខណៈបុរសនោះកំពុងមើលទូរស័ព្ទ។ មួយសន្ទុះក្រោយមក ប្រហែលគាត់ធុញ ដូច្នេះគាត់ក៏សម្រេចចិត្តដាក់ទូរសព្ទចុះ ហើយផឹកតែមួយពែង។ ពេលនោះ គាត់បានឃើញពន្លឺមួយចាំងមករកគាត់។ ត្រឹមតែមួយវិនាទី បុរសនោះក៏បានក្រោកឈរភ្លាម ហើយលោតចេញពីទីតាំងអង្គុយ ខណៈរថយន្ត១គ្រឿងបោះពួយសំដៅមកលឿនដូចរន្ទះ។
ទោះជាយ៉ាងណា វីដេអូពីកាមេរ៉ាខាងក្នុង បានបង្ហាញបន្ទាប់ពី «បើកឆ្លងកាត់» តាមទីធ្លាខាងមុខផ្ទះ រថយន្តថែមទាំងបានទៅបុកជញ្ជាំងផ្ទះរបស់បុរសនោះ បណ្តាលឲ្យបាក់ខ្ទេចយ៉ាងដំណំ មុនពេលឈប់លែងទៅមុខ។ ហេតុការណ៍នេះ បានកំពុងស្ថិតក្រោមការស៊ើបអង្កេតនៅឡើយ ដើម្បីបញ្ជាក់ពីមូលហេតុ។
ក្រោយបង្ហោះ វីដេអូនេះទទួលបានការចាប់អារម្មណ៍យ៉ាងខ្លាំង ពីសំណាក់មហាជនអ្នកលេងអ៊ីនធឺណិត។ ក្នុងនោះ មនុស្សជាច្រើនបានអបអរសាទរដល់បុរសរូបនេះថា “ប្រសិនបើគាត់ជួបគ្រោះធំបែបហើយ មិនស្លាប់ គាត់ពិតជាមានបុណ្យណាស់”។ មនុស្សជាច្រើនទៀត ក៏បានគិតថា គាត់ពិតជាសំណាងណាស់ ពីព្រោះប្រសិនបើគាត់មិនមាន «បញ្ហាភ្នែក» នៅពេលនោះ ហើយនៅតែសម្លឹងមើលទូរស័ព្ទរបស់គាត់ មិនដឹងថានឹងមានអ្វីកើតឡើងចំពោះគាត់នោះទេ។ ឧបទ្ទវហេតុនេះ គឺជាការដាស់តឿនឱ្យគ្រប់គ្នាមានការប្រុងប្រយ័ត្ន និងប្រុងប្រយ័ត្នគ្រប់ករណីទាំងអស់ ព្រោះថា “សេចក្តីស្លាប់” អាចឆ្លងកាត់យើងគ្រប់ពេលវេលា៕ រក្សាសិទ្ធិដោយ៖ លឹម ហុង
