អ្នកលក់ផ្លែឈើវ័យក្មេងម្នាក់ បានកំពុងទាក់ទាញការចាប់អារម្មណ៍ជាខ្លាំង ពីអ្នកដំណើរជាច្រើន នោះក៏ព្រោះតែរូបសម្រស់របស់នាង ពិតជាស្រស់ស្អាតខ្លាំង ខណៈអ្នកខ្លះបានសង្ស័យថា នាងប្រហែលជាតារាធ្លាប់ឃើញនៅលើបណ្តាញសង្គម។
ជាក់ស្តែង នៅថ្ងៃទី២៩ ខែតុលា ឆ្នាំ២០២៣ អ្នកប្រើប្រាស់ TikTok មួយបានបង្ហោះវីដេអូ ដោយបានរៀបរាប់យ៉ាងដូច្នេះថា ខណៈកំពុងបើកបរតាមផ្លូវ ក៏បានចាប់ភ្នែកទៅនឹងអ្នកលក់វ័យក្មេងដ៏ស្រស់ស្អាតម្នាក់។ នាងកំពុងដើរលក់ដូរផ្លែឈើឲ្យអ្នកបើកបរទៅមក នៅត្រង់ផ្លូវចំណុចស្រសព្វមួយកន្លែង ក្នុងខេត្ត Lopburi។
យ៉ាងណាមិញ ពេលពិនិត្យមើលមុខឲ្យដិតដល់ ក៏មានអ្នកធ្លាប់ស្គាល់ បានប្រាប់ឲ្យដឹងថា តាមពិតនាងជាតារាល្បីនៅលើបណ្តាញសង្គម ដែលមានអ្នកតាមដានយ៉ាងច្រើន ឈ្មោះរបស់នាងគឺ Nong Zeen ។ នាងក៏ត្រូវបានគេប្រទះឃើញដើរទិញផ្លែឈើនៅក្នុងហាង ហេតុនេះ ការដើរលក់ដូរតាមដងផ្លូវនេះ គឺពិតមិនមែនជាការសម្តែងថតឃ្លីបអ្វីនោះទេ ប៉ុន្តែ នាងចង់រកលុយបន្ថែម ដើម្បីជួយផ្គត់ផ្គង់ជីវភាពគ្រួសារ និងសម្រាប់ខ្លួននាង។
វីដេអូឃ្លីបនេះ មានការចូលមើលដល់ទៅជាង ២.៦ លានដង ដោយមានអ្នកនិយមលេងអ៊ីនធឺណិតសរសើរពីភាពក្លាហានរបស់នាងយ៉ាងខ្លាំង ដែលមកលក់ក្រោមកំដៅថ្ងៃដោយមិនខ្វល់ពីការលំបាក ទោះបីជានាងត្រូវបានអ្នកនិយមលេងអ៊ីនធឺណេតស្គាល់ច្បាស់ និងមានអ្នកតាមដានមិនតិចនាក់ក៏ដោយ។ ម្ចាស់ឃ្លីបបានបញ្ជាក់ថា នាងលក់នៅចំណុចប្រសព្វ Erawan ខេត្តល Lopburi ចន្លោះម៉ោង៥ល្ងាច និងម៉ោង ៨ យប់។
បន្ទាប់មក Nong Zeen ក៏បានបង្ហោះឃ្លីបនេះ តាមរយៈ TikTok របស់នាងឈ្មោះ zeenjrpy ដោយបានបញ្ជាក់ថា អាចមកជួយគាំទ្រនាងបាន នៅផ្លូវប្រសព្វ Erawan៕ រក្សាសិទ្ធិដោយ៖ លឹម ហុង
@bank_mtts46 น้องขนมปังกับน้องแบมตรูจะขายได้ไหมงานนี้ 55555555 #ชิบหายบุฟเฟ่ #คนไทยเป็นคนตลก #เรื่องราวจากร้านผลไม้บุฟเฟ่ต์ #longervide ♬ เสียงต้นฉบับ – ชิบหายบุฟเฟ่