នេះជារឿងដ៏ភ្ញាក់ផ្អើល ខណៈស្រីស្អាតអ្នកសរសេរប្លក់ដ៏ល្បីម្នាក់ បានបាត់ AirPods ពីត្រចៀក នៅពេលស្តាប់តន្រ្តីនៅលើយន្តហោះ ហើយបន្ទាប់ភ្ញាក់ឡើង ស្រាប់តែរកមិនឃើញម្ខាង បើទោះបីជាឲ្យស្ត្រីអ្នកបម្រើស្វះស្វែងជួយរក ក៏នៅតែរកមិនឃើញសោះ។ តែអ្វីដែលគួរឲ្យហួសចិត្តខ្លាំងនោះ គឺមិននឹកស្មានថា វាបានធ្លាក់ចូលទៅកន្លែង «ពិសេសមួយនេះ» ដែលពិបាកសម្រាប់អ្នកណាម្នាក់ទៅដល់ ហើយនាងក៏បានសុំទោស និងគួរឲ្យខ្មាសអៀនយ៉ាងខ្លាំងតែម្តង។
ទាក់ទងរឿងដ៏គួរឲ្យអស់សំណើចខ្លាំងនេះ នៅថ្ងៃទី៣ ខែវិច្ឆិកា ឆ្នាំ២០២៣ នេះ ស្រីស្អាតរូបនេះដែលមានឈ្មោះ Mint និងមានគណនី TikTok ឈ្មោះ realmintchyy បានប្រាប់រឿងរ៉ាវពីបទពិសោធន៍របស់នាង ទៅដល់អ្នកទាំងអស់គ្នាថា ខណៈពេលនៅលើយន្តហោះ នាងបានដាក់ Airpods ស្តាប់តន្រ្តីរហូតដល់ដេកលក់។ ប៉ុន្តែ នៅពេលនាងភ្ញាក់ពីដំណេក នាងបានរកឃើញថា AirPod នៅសល់នៅម្ខាង។
Mint ក៏បានឲ្យដឹងថា៖ «ពេញមួយអំឡុងពេលនៅលើយន្តហោះ ខ្ញុំព្យាយាមស្វែងរក Airpods ដោយបានរើកកាយភួយ ឆែកមើលក្នុងហោប៉ៅខោ និងខ្នើយ មើលលើកម្រាល តែទីបំផុត គឺនៅតែរកមិនឃើញទាល់តែសោះ»។
នាងបន្តថា៖ «រហូតទៅដល់អាកាសយានដ្ឋាន ទើបខ្ញុំសុំស្ត្រីបម្រើការ ឱ្យជួយស្វែងរក។ បន្ទាប់មក គ្រប់គ្នាបានមកជួយតាមដែលអាចធ្វើបាន រួមទាំងការដោះខ្នើយ និងប្រើប្រាស់កម្មវិធី Find My ដើម្បីស្វែងរកកាសស្តាប់ត្រចៀកនោះ ហើយពេលព្យាយាមចាក់សំឡេង ខ្ញុំបានឮសំឡេងរបស់ Airpod នៅក្បែរនោះ ប៉ុន្តែខ្ញុំរកមិនឃើញដដែល មិនដឹងជានៅត្រង់ណា? ខណៈយន្តហោះ ក៏ត្រូវហោះចេញនៅជើងហោះហើរបន្ទាប់។
រកមិនឃើញនៅលើយន្តហោះបែបនេះទេ Mint បាននិយាយថា នាងពិតជាមានការសោកស្តាយយ៉ាងខ្លាំង ព្រោះវាជាកាដូថ្ងៃកំណើតរបស់នាង គឺនាងមិនចង់ឱ្យបាត់បង់វាទេ។ ប៉ុន្តែពេលនាងចុះពីយន្តហោះ ហើយចុចស្វែងរកម្ដងហើយម្តងទៀត ទោះបីខំច្រើនដងប៉ុណ្ណា ក៏មិនអាចរកឃើញដែរ ខណៈសំឡេង Airpod នៅតែឮនៅលើរាងកាយរបស់នាង។
ទោះជាយ៉ាងណា ខណៈពេលនោះ បងស្រីច្បងរបស់នាងដែលមកជាមួយគ្នា ក៏មានអារម្មណ៍ថាមានសំឡេងចេញពីនាង ដូច្នេះច្បាស់ជាវានៅក្នុងខ្លួននាងហើយ។ ហើយពេលនាងមកស្តាប់កាន់តែជិត នាងបានរកឃើញថា Airpod ដែលបាត់នោះ គឺនៅក្នុង «ខោក្នុង» របស់នាងតែម្តង។
ចំណែកនាង Mint វិញ ពេលនាងនិយាយរឿងចប់ នាងក៏ញញឹមដោយអៀនខ្មាសជាខ្លាំង ព្រោះនាងនៅតែឆ្ងល់ថា តើវា «ធ្លាក់» ចូលទៅក្នុងទីនោះដោយរបៀបណា?។ ទោះជាយ៉ាងណា នាងក៏បានបន្ថែមថា នាងមានអារម្មណ៍មិនល្អ និងសុំទោសចំពោះស្ត្រីបម្រើការទាំងអស់ ដែលបានប្រឹងប្រែងអស់ពីសមត្ថភាពដើម្បីជួយក្នុងការស្វែងរក ខណៈអ្នកនិយមលេងអ៊ីនធឺណិត បានប្រាប់ថា នាងគួរសរសេរសំបុត្រអរគុណ ផ្ញើសារទៅពួកគេទៅ៕ រក្សាសិទ្ធិដោយ៖ លឹម ហុង
@realmintchyy กราบขอโทษแอร์และเจ้าหน้าที่บนเครื่องบินทุกท่านที่ทำให้เสียเวลาด้วยค่ะ ฮือ5555555
♬ original sound – มิ้นชี่ | mintchyy 🐰