ចែករំលែកវីដេអូដោយអ្នកដំណើរម្នាក់ ដែលស្ថិតក្នុងការណ៍នោះ បង្ហាញពីសកម្មភាពស្រ្តីអ្នកដំណើរម្នាក់ «លើកជើង» ដ៏មិនសមរម្យ នៅក្នុងឡានក្រុង និងបោះសម្តីដាក់អ្នកបើកបរ បានធ្វើឲ្យអ្នកលេងបណ្តាញសង្គម TikTok ក្នុងប្រទេសសឹង្ហបូរី នាំគ្នាហួសចិត្តយ៉ាងខ្លាំង។
នៅក្នុងវីដេអូ គេបានឃើញអ្នកបើកបរឡានក្រុង ដើរទៅរកអ្នកកាន់ស្រ្តីអ្នកដំណើរពាក់មួកដែលមានកញ្ចក់ ស្នើសុំឱ្យនាង «ដក» ជើងចេញពីកៅអីទល់មុខនាង ខណៈនៅលើឡានក្រុង បានបង្ហាញស្ទីគ័រហាមប្រាមអ្នកដំណើរ មិនត្រូវដាក់ជើងនៅលើកៅអីអង្គុយទល់មុខឡើយ។
បន្ទាប់ពីស្តីបន្ទោសដល់អ្នកដំណើរស្រីរូបនោះរួច អ្នកបើកបរក៏បានចង្អុលទៅកាន់ស្ទីគ័រហាមមិនឲ្យដាក់ជើងលើកៅអី ហើយសួរស្ត្រីនោះថា «នាងបានឃើញស្ទីគ័រនៅទីនោះទេ?»។ ទោះជាយ៉ាងណា ជំនួសឲ្យការគោរពច្បាប់ ស្ត្រីរូបនេះបានបញ្ចេញប្រតិកម្មយ៉ាងឈ្លើយ ដោយបោះពាក្យសម្តីទៅកាន់អ្នកបើករថយន្តក្រុង ដោយនិយាយបែបនេះថា «មែនមើលឯកសណ្ឋានអ្នកបើកឡានក្រុងរបស់អ្នកដែរ ឬអត់?»។
ក្រោយពីបានប៉ះសម្តីជាមួយស្រ្តីអ្នកដំណើរនោះយ៉ាងក្តៅគគុក អ្នកបើករថយន្តក្រុង ក៏បានដើរចេញទៅក្រៅ ខណៈដែលគេបានឮសំឡេងខាងក្រោយថា ឲ្យហៅប៉ូលិស។ ទោះជាយ៉ាងណា បន្ទាប់មក ស្ត្រីរូបនោះក៏បានដាក់ជើងរបស់នាងនៅលើកៅអីម្តងទៀត ដោយដាក់នៅលើបង្គោលជំនួសវិញ ខណៈដែលវីដេអូបានត្រូវបញ្ចប់ត្រឹមនោះផងដែរ។
យ៉ាងណាមិញ នៅក្នុងផ្នែកបញ្ចេញមតិខាងក្រោមវីដេអូ អ្នកលេងបណ្តាញសង្គមម្នាក់ បានដាក់ឲ្យស្រ្តីរូបនោះថា «នាងឃើញឯកសណ្ឋានអ្នកបើកឡានក្រុងមែនទេ?! គាត់មានសិទ្ធិគ្រប់យ៉ាងដើម្បីប្រាប់នាងដោយមិនប្រកែក» ខណៈអ្នកផ្សេងទៀតបានចែករំលែកថា អ្នកដំណើរទាំងអស់បានចុះចេញ ហើយជិះឡានក្រុងដាច់ដោយឡែកមួយទៀត ខណៈដែលប៉ូលីសត្រូវបានហៅឱ្យមកដោះស្រាយស្ថានការណ៍នេះ៕ រក្សាសិទ្ធិដោយ៖ លឹម ហុង
