កំពង់ឆ្នាំង ៖ បុរសម្នាក់ បានលង់ទឹកស្លាប់ វេលាម៉ោង ១៣រសៀល ថ្ងៃទី២៦ខែកក្កដា ឆ្នាំ ២០១៨ នៅភូមិក្បាលកោះ ឃុំអំពិលទឹក ស្រុកកំពង់ត្រឡាច ខេត្តកំពង់ឆ្នាំង ខណៈពេលដែលជនរងគ្រោះ នឹងប្រជាពលរដ្ឋចំនួន៤នាក់ទៀត បានទៅរកខ្យងនៅទីតាំងកើតហេតុខាងលើ ហើយបានរអិលជើងចូលកន្លែងទឹកជ្រៅ ក៏លង់ស្លាប់តែម្ដង។
នគរបាលមូលដ្ឋាន បានឲ្យដឹងថា ជនរងគ្រោះឈ្មោះ សរ សុផល ភេទប្រុស អាយុ ៣១ឆ្នាំ មានទីលំនៅស្ថិតនៅ ភូមិក្បាលកោះ ឃុំអំពិលទឹក ស្រុកកំពង់ត្រឡាច ខេត្តកំពង់ឆ្នាំង។ ជនរងគ្រោះមានជំងឺសរសៃប្រសាទ និងស្រវឹងស្រា។
បច្ចុប្បន្នសាកសពជនរងគ្រោះ ត្រូវបានសាច់ញាតិយកទៅធ្វើបុណ្យតាមប្រពៃណី៕ ដោយ ៖ បញ្ញាស័ក្តិ
